Jaulkipen data: 20 iraila 2017
GASTRONOMIA: MURTZIAKO ESKUALDEKO JATORRI-DEITURA BABESTUAK.
Aurten ere, Correos-ek Gastronomia serieari heldu eta bloke-orri berria eskaini dio Murtziako Eskualdeko Jatorri-deitura babestuari. Bertan, Calasparrako arroza eta Jumillako ardoa dira protagonistak.
Produktu batek “Jatorri-deitura” duenean zera esan nahi du: eskualde zehatz batean ekoiztu dela, ezaugarri bereziak dituela eta ekoizpen mugatua duela.
Izendapen hori lortzen dutenean, ekoizleek produktuaren kalitatea mantentzeko eta ekoizpen-protokoloak betetzeko konpromisoa hartu behar dute.
Hori guztia kontrolatzeko, organo arautzaileak daude. Haiek arduratzen dira baldintza guztiak betetzen direla bermatzeaz, eta baimena ematen dute produktu zehatzei izendapenaren etiketa jartzeko.
Calasparrako arroza. Itsas mailatik 300-350 metrora gutxi gorabehera, baldintza klimatiko ezin hobeekin, Calasparrako arroz ospetsuaren sorburua den alea hazten da. Hura ureztatzeko erabiltzen den uraren purutasunak, zuzenean urtegitik datorrenak, berebiziko baldintzak ematen dizkio arroz horri. Horrez gain, tenperatura altuekin eta hezetasun-maila txikiarekin lehortzen da modu naturalean, eta horrek are bereziagoa egiten du arroza, izan ere, deshidratazio hori dela eta, hobeto xurgatzen du salda eta janaria askoz ere zaporetsuagoa da.
Jumillako ardoa. Murtziako eskualdeko iparraldean eta Albaceteko probintziako hego-ekialdean, mendiz inguratutako goi-lautada batean, lurzoru nabarrak, nabarrak eta kareharrizkoak, eta kareharrizko lurzoruak dituzten mahastiak daude. Orografia malkartsua izanik, “monastrell” izeneko mahatsa hazten da bertan, modu miresgarrian, hain zuzen ere zigilu honetako protagonista den ardoa ekoizteko erabiltzen dena. Jumillako Ardoen Jatorri-deitura Babestuaren Kontseilu Arautzaileak urtero ematen die saria ardoei, haien kalitatea balioetsiz.
Bloke-orri honek mahatsondo baten eta zenbait arroz-aleren irudia du. Zigiluetan arroza duten egurrezko koilara batzuen irudia eta lehen planoan ardo kopa eta atzealdean mahastia duen irudia ageri dira.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.