Jaulkipen data: 15 iraila 2017
URTEURRENAK. JOSÉ ZORILLAREN JAIOTZAREN BERREHUNGARREN URTEURRENA.
Duela 200 urte, gure herrialdeko historiako literaturako talentu garrantzitsuenetariko bat jaio zen Valladoliden: José Maximiano Zorrilla Moral.
Hogei urte beranduago, 1837ko otsailaren 15ean, beste idazle entzutetsu bat hil zen, Mariano José de Larra. Amodiozko desengainua izan ondoren, bere buruaz beste egin zuen. Hiletan, idazten hasi berri zen poeta gazte batek, José Zorrilla izenekoak, bereziki egun horretarako prestatu zuen bihotzetiko elegia bat irakurri zuen.
Ez zuen inork ezagutzen, ezta bere izena inoiz entzun ere, baina haur aurpegidun idazle horrek bertsoak errezitatu zituenean Larraren hiletan negarrez zeuden erromantikoen arreta bereganatu zuen.
Mihi gaiztoek diote Zorrillak olerkia une eta leku zehatz hartan irakurri zuela hildakoaren lanaz jabetzeko. Asmoa edozein zela, lana lortu zuen eta horri esker bere lumak utzitako legatuaz goza dezakegu gaur egun. Esan ohi da Larra hil zen egun berean Zorrilla jaio zela.
Arrakastarekin batera, I aulki bat lortu zuen Real Academia de la Lengua española hizkuntza akademian, 1885eko maiatzaren 31n, "Autobiografía y autorretrato poéticos" (Autobiografia eta Autoerretratu Poetikoak) izeneko hitzaldiarekin.
Baina aulki hori I ez zen lehena idazlearentzat. 1848an erakundeko osoko kide izendatu zuten H aulkiarekin, baina sartzeko hitzaldia irakurtzeko epea iraungi egin zen eta beraz, erakundearen araudiari jarraikiz, hura utzi egin behar izan zuen. Zorionez, ia berrogei urte beranduago, aulki berri bat lortu zuen bertso paregabe batekin.
Idazlearen jaiotzaren urteurrena dela eta, Correos-ek zigilu bat jaulki du idazlearen erretratuarekin. Antza denez, ez zitzaion asko gustatzen erretratua egiteko kamera aurrean jartzea. Poetaren irudiaren atzean, Doña Inés pertsonaiaren irudia ageri da, Don Juan Tenorio laneko protagonista, eta arma altxatuta duen ezpatari bat.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.