Jaulkipen data: 21 apirila 2017
EUROPA
Urtero bezala, PostEurope-eko kide diren administrazio eta posta-enpresek zirkulazioan jarri dute Europa seriea. Gai komuna du beti, oraingo honetan, herrialde bakoitzean dauden gaztelu entzutetsuak.
Espainiak Manzanares el Realeko (Madril) gazteluaren irudia duen zigilua jaulki du.
Gaztelua 1475. urtean hasi zen eraikitzen Infanterriko lehen duke Diego Hurtado de Mendozak hala eskatuta, eta Juan Guas arkitektoaren agindupean bukatu zen (arkitekto horrek Guadalajarako Infanterriko Jauregiaren eraikuntza ere zuzendu zuen) Iñigo López de Mendoza dukea zenean.
Santa María de la Navaren omenez ermita erromaniko-mudejar baten gainean eraikia, Mendoza familiaren jauregia Espainian hobekien kontserbatutako bat da.
Gazteluak oinplano karratua du. Ertzetan kubo zilindrikoak ditu, Torre del Homenaje izenekoan izan ezik. Ekialdeko aldean bigarren bloke bat du atxikita, oinplano laukizuzena duena, eliza zaharraren absidea duena.
Leihate handi-handiak ditu arku erdizirkularrekin, patio laukizuzena eta zutabe oktogonalez eutsitako bi galeria.
Eraikinak lau dorre ditu, bakoitza erpin batean, eta bola batzuk apaintzen dituzte, estilo isabelinokoak.
Barrualdean, erakusketa iraunkorra du Iñigo López de Mendozaren omenez, Santillanako markesa. Izan ere, XV. mendeko Espainiako poesiaren adierazle onenetakoa da. Horrez gain, tapiz eta armaduren bilduma zoragarria ere badu.
Zigiluak gaztelu bikain horren irudia du, eta irudiaren marko gisa bertan ikus daitekeen arku-mota bat dago. Atzealdean, zeru urdin zoragarria ikusten da.
Manzanares el Realeko gaztelua Espainiako politenetako bat da. Hori dela eta, Espainia ordezkatuko du serie honetan, urtero filatelia bultzatzen duena eta, aldi berean, kontinente zaharreko historia, kultura eta ohiturak ezagutarazten saiatzen dena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.