Jaulkipen data: 15 urria 2018
UPAEP AMERIKA
Unión Postal de las Américas, España y Portugal (UPAEP) batasuna 1911n sortu zuen Francisco García y Santosek, hots, Uruguaiko posta-zerbitzuko zuzendari nagusiak, posta-zerbitzua sustatzeko eta babesteko xedearekin.
1989. urteaz geroztik, UPAEP batasuneko herrialde kideek serie filateliko bat jaulki dute gai komun bati buruzko zigiluekin: etxe-abereak.
Espainiak jaulki duen zigiluak diseinu originala du, txakurraren etxetxoaren itxuradun trokelarekin. Hura desitsastean, etxe-abere horren irudia ikusten da, Espainian ohikoena den maskota baita.
Gizakiaren lagunik onena ez ezik, maskotarik egokiena ere bada, bai haurrentzat bai helduentzat. Esan ohi da txakur-arraza bat dagoela pertsona bakoitzarentzat; izan ere, arraza bakoitzaren ezaugarriak jabeen izaerarekin bat etor daitezke.
Lagun egiteaz gain, txakurrak heroiak dira, pertsonak salbatzen baitituzte suteetatik, erortzeetatik eta uretatik. Beste batzuk lan egiteko erabiltzen dira; polizia-txakurrek, adibidez, delitu asko hautematen eta konpontzen laguntzen dute, batez ere droga-trafikoaren arloan. Eta ezin ahaztu itsu-txakurrak, ikusmen-arazoak dituzten pertsonei laguntzen dietenak.
Espainiako Filateliak kontuan izan ditu txakurrak, gutxi gorabehera, eta nazioarteko Filateliak ere bai. Estatu Batuetan, esaterako, sarritan agertzen den gaia da. Eta Europan ere zigilu asko jaulki dira, zeinetan protagonistak animalia fidel eta azkar hauek diren.
Etxe-abereak, oro har, eta txakurrak bereziki, bizilagun ezin hobeak dira, eta zigiluekin ere halaxe gertatzen da.
Jaulkipen berri honekin, Correosek berriro ere erakusten du zigiluen diseinua berritu nahi duela, eta helburu hori UPAEP batasunaren nahiarekin bat egiten du, hain zuzen ere posta-merkatua hobetzea eta sustatzea; horretarako, teknologia berriak eta elementurik berritzaileenak erabiltzen dira zigiluak diseinatzeko.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.