Jaulkipen data: 25 uztaila 2018
OZEANIAKO AURKITZAILEAK. ÁLVARO DE MENDAÑA
Galiziarra, 1541ean jaio zen. Salomon Uharteak, Markesa Uhartedia, 1568an aurkitzeagatik da ezaguna.
Urte bat atzera Ozeano Barerantzko espedizio baten agintea hartu zuen, aurkikuntza-asmoek bultzatuta, bi itsasontzi eta 150 gizonekin. Behinola Túpac Inca Yupanqui inka, antza, iritsia zen irla batzuk aurkitu behar zituen. Bi hilabete mendebalderantz nabigatzen eman eta gero irla bat ikuskatu zuten, eta Jesús izenez bataiatu zuen. Egungo Nin irla zen.
Gero beste irla bat aurkitu zuten, Salomon Uhartedikoa, eta Santa Isabel deitu zion. Ondoren, Uhartediko beste irla batzuk aurkitu zituzten: Ramos (Malaita), San Cristóbal (Bauro) eta Guadalcanal.
Balentria harengatik Hegoaldeko Itsasoaren Aurretiko izendatu zuten, eta izendapena emazteak hartu zuen ondoretzan hura hil eta gero.
Felipe II.ari bere aurkikuntzen berri eman ondoren bigarren espedizio bat antolatzeko baimena jaso zuen, baina ez zen burutu ia beste hogei urtera arte. 1595ean Salomonetara itzuli zen irlak kolonizatzeko asmoz.
Sei ontzik egin zuten itsasora orduko hartan, 387 pertsonarekin. Pilotu nagusi, Fernández de Quirós marinel handia jarri zuen.
Orduan beste uhartedi bat aurkitu zuen eta Mendozaren Markesak izena jarri zion, Peruko erregeorde berriaren omenez. Gero, Salomon Uharteetarantz abiatu zen, baina Santa Kruz irletara heldu ziren eta hantxe geratu zen heriotza heldu arte, lehorreratu eta gutxira, epidemia baten erruz eta soldaduen diziplinarik ezaz etsita, haserre baitziren handik aberastasunik ez zutelako aurkitu.
Zigilua egur-itxurako paperean inprimatuta dago eta Ozeaniako Aurkitzaileak seriekoa da. Aurkitzailearen argazki bat erakusten du, baita Salomon eta Markesak uharteen marrazki bat ere. Australia eta Zeelanda Berria ere ageri dira.
Correosek berrikuntzak txertatzen jarraitzen du bere jaulkipenetan eta, joan den urtean serie honetako zigilua jaulkitzean bezala, kutsu berezia eransten dio zigiluari egur-itxurako paperean inprimatzeagatik.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.