Efemérides. 40 años de la Constitución

KONSTITUZIOAREN 40. URTEURRENA.

1978ko urtarrilaren 5ean, Gorteen Aldizkari Ofizialak Espainiako Konstituzioaren aurreproiektua argitaratu zuen. Demokraziaren biderako lehen pausoa eman zen.

Magna Kartak, besteak beste, botereen zatitzea ekarri zuen, askatasun politiko eta ideologikoa. Bertan, Espainiako herri guztien helburu historikoak, eta herrialdearen garapena eta batasunerako gura biltzen dira.

Testuak 169 artikulu ditu eta hirutan zatitu daiteke. Lehen atala dogmatikoa da eta Estatuaren eta norbanakoaren printzipio, eskubide eta betebeharrak biltzen ditu. Bigarrenak, erakundeak eta betetzen dituzten funtzioak biltzen ditu. Azkena, berriz, Konstituzioaren erreformari buruzkoa da. Horrez gain, sarrera bat, lau xedapen gehigarri, bederatzi xedapen iragankor, xedapen indargabetzaile bat eta azken xedapen bat ere baditu.

1978ko abenduaren 6an, erreferendum batean bozkatu zuten 18 urtetik gorako Espainiako biztanleek Espainiako Konstituzio berria onartzeko edo bertan behera uzteko.

Bozketan, baiezkoa bozkatu zuen %87ak. Urte horretako abenduaren 27an, Erregeak Konstituzioa berretsi zuen, eta bi egun beranduago BOEn argitaratu zen.

Berrogei urte beranduago, Espainiako Konstituzioa biztanleen bizitzaren parte da, eta abenduaren 6a festa nazionala da, onartu zen eguna, hain zuzen ere.

Konstituzioaren promulgazioan eta urteurren nabarmenetan egin bezala, Correosek Magna Kartaren 40. urteurrena ospatu du zigilu baten jaulkipenarekin.

Zigiluak Diputatuen Kongresuko sarreran dagoen lehoi baten lehen planoa irudikatzen du, urteurren honetarako sortu den logoaren gainean. Eskulturaren inguruan hemizikloko jarlekuen eskemak ospatzera gonbidatzen gaitu. Jarlekuak aluminiozko paperarekin eginda daude.