Jaulkipen data: 03 apirila 2018
Txartel trokelatua Penintsula iparraldeko kostaldearen ertzaren formarekin eta zortzi zigilu autoitsaskorrekin. Hala nabarmendu nahi du Correosek UNESCOk Munduko Ondarearen Zerrendan Penintsula Iparraldeko Santiago Bideak sartu izana, Frantziako Bidearen luzapen gisa. Azken hori 1993an aitortu zen Munduko Ondare. Penintsula Iparraldeko Bideak lau ibilbide dira, guztira 1.499 km. Frantziako Bidearen 800 kilometroei gehitzen zaizkie eta Euskadi, Errioxa, Kantabria, Asturias eta Galiziako erkidegoak zeharkatzen dituzte. Ibilbide horietako bat Kostaldeko Bidea da, eta xukatze-xafla batekin nabarmendu da bistaratzeko. Irunen hasi eta Santiagorantz abiatzen da. Hainbat hiri zeharkatzen ditu, besteak beste, Donostia, Bilbo, Santander eta Gijón, eta arrasto ahaztezina uzten du horietan guztietan. Ondoren, Galizian sartzen da. Historia aberatsenetakoa du, Bide Primitiboarekin batera, eta Frantziako ibilbidea bezain zaharra da.
Kostaldeko Bideari eskainitako zigiluan, Galizian amaitzen dena, Santiagoko Errege Ospitale zaharraren sarreran dagoen erretaularen irudia ageri da. Eraikina Errege Katolikoen garaikoa da eta Paradore Nazionala da 1986az geroztik. Erlijio irudizko apaingarriez gain, Errege Katolikoak ageri dira. Atzealdean Galiziako kostaldearen silueta ikus daiteke, bertan amaitzen da eta Bidea.
Villaviciosako (Asturias) San Salvador de Valdedios elizaren irudia da Asturiasko Kostaldeko Bidearen omenez jaulkitako zigiluko protagonista. «El Conventín» izenaz ezagutzen da. Gaur arte iraun duen Asturiasko artearen azken lan handia izaki, oreka eta edertasun liluragarria erakusten du kanpotik. Guneko kostaldearen silueta ere ikus daiteke zigiluan.
Kantabriako eremua Santillana del Mar udalerriko Santa Juliana kolegiataren bidez dago zigiluan jasota. Santuaren erlikietatik hartu zuen izena. Jatorriz beneditarren monasterio izan zen, baina XI. mendean kolegio-eliza izaera hartu zuen, San Agustineko kalonjeen ardurapean. Zigiluko irudiaren atzealdean Kantabriako kostaldearen silueta ikus daiteke.
Euskadiko kostaldetik igarotzen den Bidearen zatia Ziortzako Monasterioa (Bizkaia) bidez ageri da. Ziortza-Bolibarren dago aipatu monasterioa, eta bere garaian garrantzi handikoa izan zen kostaldeko Santiago Bidean. Euskadiko kostaldearen silueta ikus daiteke zigiluaren atzealdean.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.