Jaulkipen data: 04 uztaila 2018
GOI IKASKETAKO ESKOLAREN VIII. MENDEURRENA. PALENTZIAKO UNIBERTSITATEA.
XI. mendean, eskola bat sortu zen Palentziako katedralaren inguruan. Urteak igaro ahala, ospe handia eskuratu zuen berreskuraturiko lurraldeetan, XII. mende amaieran gailurrera heldu zen arte. Orduan, Espainiako historiako lehen Unibertsitateko lehen zimenduak jarri berri ziren.
Hiriko apezpikuak, Tello Téllez jaunak, behin behineko bultzada eman zion hezkuntza-erakunde horri. 1221 urtean, Honorio III.aren onarpen pontifikala lortu zen, Europako lehenengoetako unibertsitatea bilakatuz.
Palentziako Goi Ikasketako Eskola izan zen bai aintzakotzat harturiko zein aitorturiko lehenengo goi-mailako eskola.
Aurten zortziehun urteurrena ospatzen da eta halako urtemuga ospatzearren, Correos-ek iragana eta oraina batzen dituen bi irudiko zigilua igorri du.
Egunean Palentziako Unibertsitatean dagoen oroigarriari Alfontso VIII.a Gaztelakoaren irudia gaineratu zaio. Orduan, monarka honek, Bolonia, Oxford eta Pariseko ereduei jarraituz, Studia Generalia hauei, garai hartan ezagutzen ziren bezala, aitorpen ofiziala eskaini behar zitzaiela erabaki zuen eta laguntza ekonomikoak eskaini zizkien.
Erakunde horren ikasgelatan izen handiko irakasleak izan ziren; ikasle nabarmenen artean, Gonzalo de Bercelo aurkitu dezakegu.
Ikasleek Teologia eta Artean lizentziadun titulua jasotzen zuten, zeuden bi irakaskuntza-zikloak ikasi eta gero: Trivium zelakoa (Gramatika, Erretorika eta Logika) eta Quadrivium zelakoa (Aritmetika, Geometria, Astronomia eta Musika).
Palentziako Studium Generale eskola eskaintzen zituen zuzenbide-ikasketa osagarriei esker nabarmendu zen, garaiko aditu nagusien irakurgaiak lantzen zituztenak. Alabaina, 1214 urtean, Alfontso VIII.aren heriotzak zentroaren gainbehera ekarri zuen, bereziki, bere ondorengoak, Alfontso IX.ak, 1218 urtean unibertsitatea Salamancara lekualdatzea erabaki zuenean.
Gaur egun, Palentziako Unibertsitatea bere sorkuntzak bultzatu zuen sustapen bera jarraitzen du: jakintza hedatzea.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.