Jaulkipen data: 08 azaroa 2018
URTEURRENAK. ESTATUKO XX. BOLUNTARIOTZA KONGRESUA. OURENSE
Aurtengoan, Ourensen izango da Estatuko Boluntariotza Kongresua, azaroaren 28an eta 29an. Estatuan urtero egiten den foroa da, eta boluntariotzaren antolaketa eta garapenerako giltzarri diren agenteak batzen ditu: (Administrazio publikoa, boluntariotza erakundeak, hezkuntza erakundeak, komunikabideak eta enpresak). Kongresua hausnarketa eta eztabaidarako gunea da, boluntariotzan eta estatuko erakunde sozialetan eragiten eta kezkarazten duten arazoak tratatzeko. Ekitaldiaren hogeigarren edizioan, Galiziako Autonomia Erkidegoa izango da antolakuntzaren arduraduna. Horrez gain, laguntza izan du alor finantzarioan eta teknikoan, Osasun, Kontsumo eta Ongizate Sozialeko Ministerioaren eta Espainiako Boluntariotza Plataformaren eskutik. Azkenik, Ourenseko Azoka eta Erakusketa Fundazioaren laguntza logistikoa ere jaso du (Expourense).
Ekitaldian lortu nahi diren helburuen artean daude hauek, “Enlázate al voluntariado” lelopean:
Boluntariotzaren etorkizunari buruzko hausnarketa gunea ezartzea, boluntarioen eta erakundeen esfortzua eta laguntza aintzat hartuta, horiek baitira gizartearen beharretan egunero inplikatzen direnak.
Espainiako boluntariotza aintzat hartzea, eta bereziki Galiziakoa. Izan ere, Espainiako Boluntariotza Plataformaren Behatokian boluntariotza aztertu gisa, Galizia da Espainian konpromiso handiena duen autonomia erkidegoa, baita konpromiso solidarioetan parte-hartze handiena duena.
Boluntariotza ahalduntzea gizartean burutzen diren jarduera altruistak dinamizatzeko, etorkizunari begira gizarte hobea sortzeko aktibo gisa. Horrela, gehien behar duenari lagunduko zaio. Horrez gain, boluntariotzaren eragina eta garrantzia ahaldunduko dira, gazteek etorkizuneko lanerako aintzat hartzeko eta proiekzio gisa.
Correosek sortutako zigiluak diseinu modernoa du, eta Kongresuko logoaz gain, as Burgas eta Ourenseko zubiaren irudiak gehitu ditu atzealdean. Urarekin lotura dute biek, hiriarentzako hain garrantzitsua den elementua.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.