Jaulkipen data: 01 otsaila 2019
12 HILABETE, 12 ZIGILU. BADAJOZ
Otsailean Badajozi eskainiko zaio zigilua 12 hilabete, 12 zigilu, 12 probintzian seriearen baitan. Serie horretako beste zigiluen antzera, BA letrak ditu antzinako matrikula balitz bezala, atzealde urdinarekin; horixe da Badajozko probintziaren banderaren kolorea.
Mérida kenduta, probintzia nahiko ezezaguna da duen aberastasun kultural eta turistikoari dagokionez, baita aisiari dagokionez ere. Probintzia hau gehiago ezagutzeko, zenbait elementu aukeratu dira zigilua irudikatzeko:
Gastronomiaren elementu nagusi gisa agertzen da urdaiazpikoa; produktu maite hau ezkurrez elikatutako txerriekin egiten da, larre eta mendilerroen eremuan. Serenako gazta, JDarekin, esne gordinarekin bakarrik egiten da, Serenako eskualdeko ardi merinoen artaldeena. Amaitzeko, Ribera del Guadiana JDko ardoa agertzen da, Almendralejon.
Faunan nabarmentzekoa da zikoina; probintzian eta urteko sasoi honetan ohikoa dena. Florari dagokionez, artelatza da zuhaitzen artean adierazgarriena larreetan, baita kortxoaren ustiapenarengatik ere.
Méridako Dianaren tenpluaren zutabeak antzinako Erromara eramaten gaituzte; tenplua bereziki nabarmena zen “Koloniaren foroa” plazan. Zenbait eraikin publiko eta garrantzitsuz inguratua zegoen, eta Augusta Emeritako herritarrentzat hirigune eta topaleku nagusia izan zen. Tenplua tokiko harrobietako granitoarekin egin zen, eta iztukuarekin estali zen.
XVII. mendetik aurrera, Dianaren tenplua gisa ezagutu zen, baina gaur egun badakigu Erromaren eta Enperadorearen zerbitzura egon zela. Antzinako arrastoekiko zeuden garaiko joerak ikusita, Alonso Mexíak, Done Jakueren Ordenako zaldunak, jauregi bat eraiki zuen erromatar arrastoen gainean XV. mendearen amaieran. Gaur egun Errenazimenduko jauregiaren fatxada nagusia mantentzen da. 1972an eraikinari jabetza kendu zitzaion antzinako tenplu erromatarra berreskuratzeko. Edonola ere, azkenerako jauregia mantentzea erabaki zen duen ondare balioa dela eta.
Calzadilla de los Barros herriko Divino Salvador elizako erretaula eta kanpandorrea, estilo gotikokoak, XV. mendekoak dira. Barruan, elementu nabarmenena da erretaula nagusia; Extremaduran kontserbatzen diren pieza gotiko eskasetako bat da. Biak Monumentu historiko-artistiko izendatu ziren 1982an.
Dorrea eraikitzeko harlandu irregularra erabili zen izkinetan. Oin angeluzuzenarekin eta kanpai-hormarekin, hagaburu lerro batez zatitutako bi gorputzez osatua dago. Dorretik inguruko ikuspegi zoragarriak ikus daitezke.
Kapera nagusian dago multzoaren obra aipagarriena: erretaula nagusia. XV. mende amaierako edo XVI. mende hasierako monumentu hori da Extremaduran kontserbatzen diren azken obra gotikoetako bat. Antón de Madridek egin zuen, eta banatzen den hiru eszenetan Kristoren eta Ama Birjinaren bizitza azaltzen du.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.