Jaulkipen data: 01 martxoa 2019
12 HILABETE, 12 ZIGILU. BURGOS
Martxoan, 12 hilabete, 12 zigilu serieko protagonista izango da Burgos. 14.269 km2 ditu probintziak, hau da, eremu nazionalaren %2,83. Gaur egungo mugak oinarri hartuta, Burgos XIX. mende erdialdekoa da, baina eremu honetako historia erromatarren aurrekoa da. Izan ere, aztarna paleolitikoak aurkitu dira Europako gizakien kokagune zaharrena denean, Atapuercako zerran. Erromatarrek eta musulmanek okupatua, eremu hauetan hasi zen Gaztela sortzen.
Probintzia izaera eta edertasun handiko eremua da: paisaia heterogeneoak, aniztasun klimatikoa, ibaiak, ur-jauziak, basoak, haitzarteak eta lautadak, mendien aldean. Aberastasun guzti hori zigiluan irudikatzeko aukeratu dira zenbait elementu.
Santa Mariako katedrala izan zen penintsulako lehen katedral gotikoa, eta bere arrosa leihoak 800 urte beteko ditu 2021ean. Siloseko Santo Domingoko monasterioaren klaustro erromanikoa beti izan da monasterioko bizitzaren erdigunea, erdian zipresa duela.
1962ko zigilu baten zati bat, Cidaren omenez, Burgoseko pertsonaia famatuetako bat.
Ezin ahaztu Burgoseko gastronomia, hala nola Burgoseko odolkia edo Ribera del Dueroko ardoa. Odolkia txerritik dator eta tipula, txerri-odola, txerri-gantza eta arroza ditu osagai. Horri gatza, piperra, piperrautsa eta oreganoa ere gehitzen zaizkio.
Horrez gain, sai arreari ere erreferentzia egiten zaio zigiluan, baita bestelako leku baketsuei, esaterako, San Vitores komentua, Fresno de Río Tirón udalerrian.
Burgoseko banderaren kolorea den atzealde more batean agertzen dira zenbait eraikinen profila, hala nola, Correoseko eraikina edo udaletxea.
Zigilua Burgosen protagonismoa irudikatzea du helburu, izan ere, JUVENIA 2019 ekitaldia bertan izango da maiatzean. Filatelia nabarmentzeko zenbait ekitaldi eta jarduera prestatzen ari dira, gazteenei egokitzeko, tradizioa ahaztu gabe.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.