Jaulkipen data: 27 maiatza 2019
ARTE GARAIKIDEA. CÉSAR MANRIQUEREN MENDEURRENA.
Gure herrialdeko artista interesgarrienetako bat duela 100 jaio izana ospatuko da 2019ko apirilaren 24an.
Lanzaroteko uhartean jaio zen César Manrique 1919ko udaberrian, erdi-mailako klaseko familia batean.
Arkitektura teknikoko ikasketen lehenengo urteak egin zituen, baina azkar utzi eta beka bat lortu zuen San Fernandoko Arte Ederren Akademian ikasteko, arte eta pintura irakasle graduatzeko.
Urte batzuk igaro zituen New Yorken, eta han osatu zituen bere ikasketa artistikoak; bere lanak, gainera, hiriko galeria ospetsuetan erakutsi zituen.
Herriminak jota, bere uharte maitera itzuli zen, ideia argi batekin buruan: Lanzarote munduko lekurik politenetako bat bihurtzea, uharteak eskaintzen zituen aukera eta baliabide mugagabeak aprobetxatuz.
Manrique margolaria izanik, eskultorea, arkitektoa, ekologista, monumentu kontserbatzailea, eraikuntza-aholkularia, hirigintza-konplexu planifikatzailea eta paisajista, Lanzarote gaur egun ezagutzen dugun moduan margotu zuen, eta, egia esan, zaila da uhartea artista hau gabe ulertzea.
73 urte zituela hil zen trafiko-istripu baten ondorioz, Arrecifetik oso gertu. Patu ironikoa, kontuan hartuta, bere uhartean ibilgailuen masifikazioa gorroto izanik ere, César Manriquek auto batean aurkitu zuela heriotza.
Manriqueren ustez, natura zen bere artearen erreferentzia-muina, baita bere bizitzarena ere.
Bere jaiotzaren mendeurrena dela eta, Correosek bloke-orri original bat plazaratu du diptiko moduan: irekitzean, César Manriqueren irudia agertzen da alde batean, uharteko ohiko pasaiaren zati den harkaitz baten kontra jarrita.
Eta orriaren beste aldean, César Manriqueren lanaren xehetasun bat azaltzen da. Lanzarote murala (xehetasuna), 1953, Lanzarote uhartearen ezaugarri tipikoen adierazla. Gameluak, zonaldeko etxebizitza tipikoak, paisaia lehorra, sumendiak, palmondoak eta kaktusak, eskulturak eta begiestea gustatzen zitzaion itsasoa dira bloke-orriaren protagonistak.
Ez da César Manrique baina trebeagorik Lanzarote esaldi bakar batean deskribatzeko: Lanzarote magia da... misterioa. Edertasun aratza, lotsagabea eta biluzia. Ikasgai amaigabea. Bertako natura ezezagun eta sakonak jakin badaki zer nolako ikuskizun aparta eskaintzen duen. (César Manrique, c.1992)
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.