Jaulkipen data: 06 azaroa 2019
ESPAINIAKO ZINEMA. D´ARTACÁN
Espainiako zinemari eskainitako seriea jarraitzeko, D’Artacán ahaztezinari eskainitako sei zigiluko bloke-orri txiki batekin jarraituko dugu.
Izan ere, “mosketxakur” hau Espainian famatua izan zen telesail bateko protagonista zen, Televisión Española katean 1982an igortzen hasi zenetik.
Alejandro Dumasen Hiru mosketariak obran oinarritua, haurrentzako egokitzapen honek D’Artacán txakurraren istorioa kontatzen du, “mosketxakur” bihurtzea helburu duenarena. Parisera iristean, taldearen parte diren beste hiru txakur ezagutzen ditu: Amis, Pontos eta Dogos. Horiekin batera, hamaika abentura bizitzen ditu, Richelieu kardinal zitalaren aurka borrokatzen.
Gainera, amodiozko istorio bat ere bizi du Julietarekin, erreginaren neskame batekin. Horrez gain, Pom arratoiaren lagun mina egiten da. Pom bizkorra denez, protagonistarentzako lagungarria izango da; baina, nahiz eta adoretsua izan, ez da argiegia.
26 atal ditu telesailak eta hainbat herrialdetan igorri zen.
Telesailari esker, hainbat gaztek Dumasen obra ezagutu zuten, gertutik eta erraz.
Pertsonaia erreferente bihurtu zen haurrentzat eta belaunaldi baten imajinarioaren parte izan zen, bi telebista-kateren bidez soilik.
D’Artacán agertzen da zigiluan, ezpata esku batean eta hain bereizgarri zuen balentriazko aurpegi batekin.
Zigiluetako bakoitza telesaileko fondo bereizgarri batekin markoztatuta dago.
Parisko zeru urdinarekin, bertako kaleekin edo zuhaitzez betetako paisaia batekin... D’Artacánen entrenaleku baitziren, “mosketxakurren” talde ospetsuarekin erregearen alde borrokatu eta defendatzerakoan.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.