Jaulkipen data: 30 urria 2019
GIZA ONDAREKO HIRI-MULTZOAK. ÚBEDA ETA BAEZA
Giza Ondareko hiri-multzoak serieak beste bloke-orri bat gehitu du Jaengo Úbeda eta Baeza hiriak omentzeko kalkografia batekin.
2003ko uztailaren 3an jaso zutenhiri biek UNESCOren Gizateriaren Ondare titulua.
Ohore hori partekatzeaz gain, Úbedak eta Baezak ondare historiko, artistiko eta kultural aparta partekatzen dute Espainian.
XVI. mendean, bi hiriak garaiko nobleziaren gogokoenetakoak bihurtu ziren. Bere kokapen bikaina eta komunikazio-sare ezin hobea zela eta, garaiko zenbait pertsonaia ezagunek bertan bizitzeko aukeratu zituzten, hala nola Francisco de los Cobos-ek, Karlos V.aren idazkariak, edo haren iloba Juan Vázquez de Molinak, Gaztelako kontuetarako idazkari izan zenak. Azken horrek, bere izena daraman jauregi galant bat hasi zen eraikitzen bere jaioterrian, Úbedan, 1550 inguruan. Kateen Jauregia gisa ezagutua, herriko udaletxea da gaur egun, eta Monumentu Nazionala izendatu zuten 1931n.
Jauregia da, hain zuzen, zigiluaren motiboa. U formakoa, eraikinaren xehetasuna irudikatzen du bloke-orriaren parte batean.
Beste partean, berriz, Natividad de Nuestra Señora Katedralaren alderdi bateko irudia agertzen da, Baezako eraikin errenazentista. Jaengo apezpikutzaren egoitza izan zen 1227tik 1249ra, Jaenera eraman zuten arte.
Tradizioaren arabera, kristautasunerako sagaratutako meskita baten gainean eraiki zuen katedrala Alfontso VII. erregeak. Gerora meskita bat izan zen berriz ere 1227ra arte; ordu ezkero, tenplu kristaua da.
Zigiluak, B hizkiaren formarekin, eraikinaren kanpoaldearen xehetasun bat erakusten du: Santa María iturria, hiriko ikono garrantzitsuenetako bat, hain zuzen ere.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.