Jaulkipen data: 22 apirila 2019
PERTSONAIAK. Consuelo Álvarez, Violeta. Emakume telegrafistari omenaldia
Consuelo Álvarez, Violeta (1867-1959) Administrazioak kontratatutako (1885) lehen emakume belaunaldikoa da; 17 urte besterik ez zituela kontratatu zuten.
Kazetari bikaina izanik, Madrilgo Prentsa Elkarteko kide egin zen 1907an, hiru emakume baino ez zeudenean. El País egunkariko erredaktore izan zen 1904tik 1920ra arte, eta Telegrafos-eko zuzendari nagusi zen José Francos Rodríguez-en prentsa-kabineteko buru. Telegrafos-en aritu zen lanean bere bizitza osoan, eta bere ofizioa kazetaritzarekin, literaturarekin, pedagogiarekin eta politikarekin uztartu zuen.
Irratiko kazetari eta hizlari izan zen Radio España-n eta urte batzuk geroago Unión Radio-n egin zuen lan.
98ko emakumezko belaunaldiko idazle izanik, Espainia modernizatu nahi izan zuen erregenerazionismoaren ildotik. Eta, horretarako, eskola berriz antolatu behar zela uste zuen, neska eta mutilek heziketa jaso zezaten arrazoia eta metodo esperimentala oinarri, helburua berdintasuna zelarik. Ateneista izan zen 1907tik 1936ra, erakundearen solasaldietan parte hartu zuen eta hitzaldi ugari eman zituen, batik bat literatura, pedagogia eta politika alorretan.
Emakumearen eskubideak defendatzen aritu zen nekatu gabe bizitza osoan, 1906tik 1931ra bitartean Gorteetarako diputatu izateko aurkeztu zenean. Emakumearen sufragio unibertsalaren aldeko kanpaina egin zuen, eta haren izenean bere alderdiko diputatuek aurkeztu zuten proposamena, 1907an Odón del Buen-ek eta Joaquín Salvatella-k eta 1908an Francisco Pi-k eta Luis Morote-k, azkenean beste kazetari batek, Clara Campoamor-ek, lortu zuen arte.
Bere ikuspegi feministaren arabera, emakumeari gizonaren ondoan egiten zitzaion lekua gizartean, ez gizonaren aurka, batak zein besteak bizitza betea izan zezaten. “Gizartearen humanizazioa” deitzen zion horri.
Correos-ek omenaldia egin nahi izan die zigilu batez emakume telegrafistei Consuelo Álvarez, Violetaren bidez. Zigiluan, bere argazkiaz gain, beste emakume telegrafista batzuk ere ageri dira hatzak ordenagailuko teklatu batean dituztela, telekomunikazioek izan duten bilakaeraren metafora gisa. Zigilua 8 efektuko Premium paper-orri batean aurkezten da, kolore morez jantzita.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.