Jaulkipen data: 20 martxoa 2019
ESTATUKO ADMINISTRAZIO OROKORRAREN KIDEGOAK. OGASUN PUBLIKOAREN ZERBITZURA DAUDEN ARKITEKTO TEKNIKOEN KIDEGOA.
2019an, Correosek berreskuratu egin du Estatuko Administrazio Orokorreko Ogasun Publikoaren zerbitzura dauden Arkitekto teknikoen Kidegoaren omenezko zigilu-sorta.
1893an erreformatu eta modernizatu zen Ogasun Ministerioa, eta helburua zen tokiko ekarpenaren ikuskatzea hobetzea. Horri jarraikiz sortu zen 1906an Espainiako katastro modernoa, Katastro topografikoaren eta partzelakoaren Legearekin. Langile teknikoak eta kualifikatuak behar zituen Legeak.
Nahiz eta hiri-aberastasuneko katastroak arkitekto teknikoak zituen, katastro-lanak egiteko behin-behineko instrukzioak ikusi zuen 112 lanpostu sortzeko beharra 1917ko irailean. Funtzionarioen kidego berriaren izena zen “Arkitekto teknikoak hiri-aberastasuneko katastroaren zerbitzurako”, eta lehen lehiaketa 1917ko irailaren 20an egin zen postu horietarako.
Sortu zenetik 102 urte bete arte, kidegoa eboluzionatuz joan da, eta zenbait izen gehitu ditu. Aldaketok egin ahala, aldatuz joan dira, halaber, indarrean zeuden titulazioen prestakuntza arautuan eta izendatze profesionalean. Ez da ahaztu behar, gainera, konpetentzia eta esleipen profesionaletan izandako aurrerapenak Ondarearen Zuzendaritza Nagusia sortu zenetik (1957), edo Ogasuneko arkitekto teknikoen konpetentziak arautzeko agindua egin zenetik (1978).
Ogasun Publikoaren zerbitzura dauden Arkitekto teknikoen Kidegoak 200 profesionaletik gora ditu Estatu osoan banatuta.
Ogasun Publikoaren zerbitzura dagoen arkitekto teknikoak lan egiten du Higiezinen katastroan, Ogasuneko eta Funtzio Publikoko Ministerioan, baita sektore publikoko bestelakoetan ere. Nabarmendu beharrekoak dira, orobat, Ministerioei eta Estatuko Administrazioko gainerako erakundeei atxikitako higiezinen birgaitze- eta mantentze-lanak
Zigiluak nabarmendu egiten ditu Arkitekto Teknikoen Kidegoaren izaeraren balioak katastro partzelaren adibide batekin, erretikula geometrikoarekin. Bertatik abiatuta, eraikinak irudikatzen dira, hainbat kolore eta tamainatakoak, ondare-balioak irudikatzeko. Horrez gain, urteurrena dela eta sortutako logotipoa ere ageri da (1917-2017).
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.