Jaulkipen data: 26 iraila 2019
GASTRONOMIA: KANTABRIAKO JD BABESTUAK
Zigiluen balio nagusienetariko bat da herrialde baten aberastasuna ezagutaraztea.
Gastronomia sorta: Jatorri-deitura babestua delakoaren funtsezko helburua da bereizgarri hau duten Espainiako produktuak ezagutaraztea.
Aurten jaulkipen hau Kantabriara doa, bere bi produktu gastronomiko nabarmengarri eta beneratuenak ezagutarazteko: Liebanako eztia eta Picon Bejes-Tresviso gazta.
Ezti hori eremu babestu zabaletik dator, Liebana probintziako udalerri guztiak biltzen dituena: Cabezón de Liébana, Camaleño, Cillorigo de Liebana, Pesaguero, Potes, Tresviso eta Vega de Liebana. Bi ezti mota daude: txilar-ezti lorebakarra eta ihintz-eztia.
Lehenengoak anbar kolorea du, tonu marroi eta gorrixkak, lore lurrina eta trinkotasun ertaina; bere zaporea arinki mingotsa da, ukitu gaziarekin. Bigarrenak anbar kolore oso iluna du, egur zapore arina eta aurrekoak baino trinkotasun handiagoa, baina bestea bezain gozoa eta zaporetsua da.
Zuzenean Kantabriara eta bere paisaietara eramaten gaituen bloke-orri batean kokatua, zigiluak eztiaren distira eta urre-antzeko gardentasuna erakusten du; gainera, zigiluari emandako bernizari esker, are errealagoa dirudi.
Bloke-orria osatzen duen zigiluak Picon Bejes-Tresviso gazta erakusten du.
Gazta hori Liebanako eskualdean eta Peñarrubiako Udalerrian egiten da.
Gazta hori egiteko, behi-, ardi- edo ahuntz-esne oso gordina erabiltzen da. Halaber, bi edo hiru esne mota nahasten dira batzuetan.
Eskualde honetan, kareharriko haitzulo natural ugari dago, eta gaztak bertan heltzen dira gutxienez bi hilabetez.
Picon Bejes-Tresviso gaztak kolore zuria du, hari urdin berdexkekin; zapore arinki pikantea du, eta trinkotasun koipetsua eta biguna.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.