Jaulkipen data: 12 ekaina 2019
UMORE GRAFIKOA. ANTONIO FRAGUAS FORGES.
Ez da lehen aldia Forges Correosen zigilu bateko protagonista dela; ezta lehen aldia Umore grafikoa seriearen barruko zigilu bateko protagonista dela ere.
Oraingoan, ordea, zigilua kaleratzeko arrazoia ez da bere marrazki zoragarririk, baizik eta marrazkilaria bera. Umorista 2018an zendu zen, baina bere irudiak gogoan dituzte milioika pertsonak.
Madrildarra zen, baina ama kataluniarra eta aita galiziarra zituen. Goiz hasi zen Televisión Española-n lan egiten, 1973 arte, non erabaki zuen umore grafikoaren arloan profesionalki jardutea.
Zenbait urte lehenago, zehazki 1964an, bere lehen marrazkia argitaratu zuen Pueblo izeneko egunkarian.
Gehienbat, Diez Minutos, Hermano Lobo, Por Favor, El Jueves, Diario 16 eta El Mundo aldizkari/egunkarietan argitaratu zituen bere obrak.
1995ean hasi zen egunero El País egunkarian txiste bat argitaratzen. Hala lortu zuen hainbat belaunaldi egunero kuriositate handiz esnatzea, Forges-en sormenak egun bakoitzean zer islatu ote zuen ikusteko zain.
Kolaboratzailea izan zen irratiko hainbat saiotan, eta bi filmeko zuzendaria hirurogeiko hamarkadan: País S.A. eta El Bengador justiciero y su pastelera madre. Horrez gain, telesailak egin zituen: batetik, El Mulińandupelicascarabajo, Nosotros eta 24 horas aquí, TVE katean; eta, bestetik, Deformesemanal, Telemadrid katean.
Halaber, hainbat liburu idatzi zituen, azkena, Lo más de la Historia de Aquí (en tres volúmenes) izenburua duena. Bertan, umorez kontatzen du aberriaren historia.
Correosek Antonio Fraguasi eskainitako bloke-orria trokelatuta dago, eta Forgesen marrazkietan ohikoak ziren bunbuiloetako baten forma du.
Zigiluan artistaren lehen planoa ageri da, artistak berak egindako marrazkien estilo berean. Oraingoan, ostera, bera da binetako protagonista, luma eskuan. Artistaren sinadura ahaztezina ere azaltzen da zigiluan.
Bloke-orria Madrilgo Plaza Nagusian plazaratuko da 2019ko ekainaren 12tik 16ra bitartean, azokaren 51. edizioan.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.