Jaulkipen data: 27 iraila 2019
ONDARE ARTISTIKOA. CAMPOAMOR ANTZOKIAREN ERAIKUNTZAREN 125. URTEURRENA
Oviedoko Campoamor antzokia mundu osoan ezaguna da, eta batez ere, bertan banatzen direlako urtero Asturiasko Printzesaren Sariak.
Antzoki horrek, ordea, 125. urteurrena ospatu du eta historia askoz ere luzeagoa du.
J. Lopez Salaberryk eta Siro Borrajo Montenegrok 1883 eta 1892 bitartean eraiki zuten Santa Clara komentuak hartutako lursailetan.
Ordura arte Fontaneko Casa de Comediasen izaten ziren antzerki-emanaldiak, izen bereko plazaren ondoan kokatuta.
Antzokia hondatuta zegoenez, opera- eta antzerki-emanaldietarako eremu berri bat eraikitzeko beharra agertu zen.
Goi burgesiaren agerpenarekin, modernotasuna heldu zen hirira: trenbidea eta telefonoa Oviedora heldu ziren, argindarrak gas-argiak ordeztu zituen eta Fresnoko ur-biltegia eraiki zen. Herri ekimenari esker, jarduera komertziala areagotu zen: Trascorrales, 19 de Octubre eta El Progreso merkatuak eraiki ziren. Eskolak eta hiltegiak eraiki ziren.
Oviedoko biztanleek aisialdirako tokiak behar zituzten, eta Jose Longoria Carvajal orduko alkateak eskakizuna entzun eta proiektua martxan jarri zuen.
Antzoki moderno, eder eta batez ere segurua eraiki zuten. Ferra-formako planoa eta akustika bikaina du, eta Madrilgo Teatro de la Comedian oinarrituta dago.
Burdinazko karel eta zutabeak ditu palkoetan eta berrikuntza handia dakar: gela zabalak ditu, antzoki zaharretako pasabide estuak beharrean. Berrikuntza gisa, argindar elektrikoa du.
Eta datu bitxi bat: antzokiko eremuan ez zegoen erretzerik, batez ere emakumeak ez gogaitzeko.
Bloke-orriak berezitasun bat du: orria zabaldu egiten da, eta bertan zigilua ikus dezakegu, non butaka-aretoaren irudia ikus daitekeen antzezlekuarekin atzeko aldean, eta, itxita dagoenean, antzoki zoragarri honetako fatxada nagusian kokatuta ikus dezakegu, butaka errenkada batekin lehen planoan.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.