Jaulkipen data: 29 martxoa 2019
PERTSONAIAK. MARIANO BERTUCHI NIETO
Mariano Bertuchi Nieto (Granada, 1884 – Tetuan, Maroko, 1955) margolari goiztiarra izan zen. Hasi zenetik, Afrikako estetika piktorikoa izan zuen oinarri, eta horrek Gibraltarreko itsasarteko hegoaldeko kostaldearekin erabateko sinbiosia izatera eraman zuen: argia, koloreak, horizontea, jendea, lekuak... Ceuta eta Marokoko iparraldea. Azken leku horretan igaro zuen bere bizitzaren zati nagusia, Espainiako administrazioaren zerbitzurako lanean, protekturatuan. Zenbait kargu izan zituen, besteak beste, Arte Ederretako Zerbitzuen ikuskatzailea, Tetuaneko Arte eta Ofizioen Eskolako zuzendaria eta Arte Ederretako Prestaketa Eskolako zuzendaria.
Inguruan zituen argia eta gizakiek munduan duten espazioa izan ziren bere obrako protagonistak, teknika gorabehera: oleoa, akuarela, marrazkiak... Bere pintzeletan jaio ziren berezko zigiluen diseinuak Marokoko jalifiako postan (1928-1955), baita bestelako sinbolo fiskal, telegrafiko eta ongintzakoak ere. Horrez gain, Espainia, Ifni eta Sahararako diseinuak egin ditu. Hori guztia dela eta, Espainiako filateliako diseinatzaile nagusietako bat izan zen.
Mariano Bertuchik egindako zigiluak leiho bihurtu ziren espainiarrentzat, Marokoko egunerokotasuna eta errealitatea ezagutzeko, zein ezkutuan egon ohi baita. Horrez gain, postako zigiluak duen gaitasunaz jabetu zen, propagandako elementu gisa. Horrela, bere lehen etapan egin zituen posta-txartelen diseinuen helburua zen inguruko ondare eta obren edertasuna nabarmentzea turismorako. 1944tik aurrera, zigiluek islatu egiten zuten Marokoko iparraldeko artisautza eta kultura tradizioak pintura kostumbrista eta etnografikoekin; horien bidez, “Marokoko arima” helarazten zuen.
Correosek Mariano Bertuchi omendu nahi izan du artistak zigilu-diseinatzaile gisa izandako lanean. Horretarako, egindako posta-txartelak jaulki ditu, tolesgarri gisa, aurretik eta atzetik inprimatuta. Aurrealdean, margolariaren argazki bat dago, Tetuaneko bere estudioan (©Mariano Bertuchi Nieto ondorengotza). Margolaria asto baten ondoan agertzen da, 1928an diseinatutako zigilu baten ereduarekin. Zigilua hiru zatitan banatutako Ceutako triptikoa da: “Merkataritza, nekazaritza eta industria” (©Ceutako museoa).
Atzealdean, berriz, Mariano Bertuchik diseinatutako beste zigilu bat dago (jalifiar jaulkipena, 1928) Laracheko gotorlekuarekin. Beste zatietan, artistak egindako posta-txartelak ageri dira, lumaz eginak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.