Jaulkipen data: 04 apirila 2019
TRADIZIOAK ETA OHITURAK. ASTE SANTUA.
Correosek ibilbide berria aurkeztu du gure herrialdean Aste Santua ospatzeko lau modurekin. Apirilean Espainiako hainbat txoko lorez, tronpetaz eta danborrez beteko dira, eta udaberria intsentsuaren usaiarekin nahastuko da, garai honetako usain nabarmena.
Danbor itxura duen txartel tolesgarriarekin, Correosek lau zigilu berri jaulki ditu Aste Santuko ospakizunekin: Albacete, Azuaga, Balmaseda eta Medina de Rioseco.
Albacete (Albacete): Angustien Gure Amaren irudi bat da zigiluaren arrazoi nagusia Albaceteko Aste Santua omentzeko. Amak, minaren minez, Kristoren gorpua du besoetan, gurutzetik jaitsi eta gero. Minen ostiraletik Pazko-igandera arte, hiria artez eta tradizioz gainezka egoten da. Gozokiak ere presente egoten dira garai honetan; nazarenoek farolak, kandelak eta bestelakoak eramateaz gain, gozokiak banatzen dituzte prozesioetan.
Azuaga (Badajoz): biztanleen debozioa da nagusi ospakizun aste osoan herri honetan. Desfile garrantzitsuenetako bat da Cristo del Humilladerokoa Ostegun Santuan. Jarraitzaile asko joaten dira, isilik, irudiarekin. Irudi horixe da zigiluaren protagonista herriko armarriarekin batera.
Balmaseda (Bizkaia): Balmasedako Pasio Bizidunak ehunka pertsona erakartzen ditu herrira Jesusen azken orduen antzezpenaz gozatzeko. Pasioa XIX. mendeaz geroztik egin da, eta pixkanaka garatzen joan da eszenatoki eta pertsonaia berriekin, errealistagoa eta hunkigarriagoa izan dadin. Balmasedako biztanleak gogoz prestatzen dira antzezpenerako, eta horregatik harro daude. Zigiluan agertzen da antzezpena, Jesusek gurutzea bizkarrean daramanean, soldadu bat ondoan duela.
Medina de Rioseco (Valladolid): Valladolid eta Aste Santua sinonimoak dira. Horren adibide da Medina de Rioseco herria. Jatorriz Gaztelako almiranteen jaurerria, bereziki nabarmena da Aste Santua hiri honetan. Nazioarteko Interes Turistikoko Festa izendatua, ospakizuna XVI. mendean sortu zen Vera Cruz kofradia fundatzean. Erabateko debozioak, ehunka urteko tailek eta giro errepikaezinek egiten dute Medina de Riosecoko Aste Santua hain berezi. Zigiluak Pasioko Kristoaren prozesioa erakusten du.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.