Jaulkipen data: 02 urtarrila 2020
12 HILABETE, 12 ZIGILU. Coruña
12 hilabete, 12 zigilu filatelia-serieak 2020ari hasiera emango dio Coruña probintziarekin. Offset bidez inprimatuta, duen balio nominalari esker, Espainiako edozein probintziatara gutun bat bidaltzeko erabil daiteke.
Serie honetan egin bezala, probintziako elementu bereizgarriz osatua dago zigilua, eta irudiak probintziaren inizialak eratzen ditu.
A letraren barnean, Herkulesen Dorrea eta Vimianzoko gazteluaren almenak agertzen dira. Herkulesen Dorrea Coruña hiriko monumentu bereizgarri eta nabarmenetako bat da. Erromatarrek egin zuten, I. eta II. mendeen artean, eta oraindik erabiltzen den itsasargi zaharrena da munduan. Hori dela eta, Unescok Gizadiaren ondarea izendatu zuen 2009an.
Marteloko Dorrea gisa ere ezaguna, Vimianzoko gaztelua XII. mende amaieran Mariño de Lobeira sendiak eraikitako gotorlekua da. Interes kulturaleko obra gisa katalogatuta dago, eta artisautzari buruzko erakusketa iraunkor bat du gaur egun.
C letra egurrez egina da, Donejakue bidea egiten duten erromesen makilaren isla. Petxina formako sinboloak hizkiaren ondoko lauza apaintzen du.
Hizkiaren beheko zatia Noiako San Martiño elizaren arrosa-leihoak osatzen du. 1434an kontsakratua eta ojibala, nabe bakarra du, pentagono formako abside batekin. Arkupean, Gaztela eta Leongo erreinuko eta tenpluaren babeslea izan zen Santiago Lope de Mendoza artzapezpikuaren armarriak agertzen dira.
Inizialen atzealdean, Fragas do Eume parke naturalaren basoa agertzen da, hostoz beteta, Sesín ibaiaren gainean dagoen zubiarekin. Parkea Batasuneko garrantzizko lekua aitortu zen eta bertako basoak Europako baso atlantiko eta termofiloen adibide onenetariko bat dira.
Behealdeko zerrendaren kolorea Coruñako probintziako banderarena da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.