Jaulkipen data: 02 martxoa 2020
12 HILABETE, 12 ZIGILU. Ceuta
Ceuta hiri autonomoa Herkulesen zutabeen artean eraikita dago, eta zutabe horiek Europa eta Afrikaren arteko ate bilakatu dira, Mediterraneo Itsasoa eta Ozeano Atlantikoaren arteko mehargunearen gotorlekua. Bere hiritarrek pertsonalitate ezberdina dute: elkarrekin bizi dira komunitate kristaua, musulmana eta hebrearra , eta azken urteotan baita hindua ere.
Zigiluan hiriko elementu adierazgarrienak agertzen dira, adibidez C letrari forma ematen dion arkua, XII eta XIII. mendeen artean eraikitako bainu arabiarren zati.
C letran ere Muley El Mehdi meskitako minaretea agertzen da baita ere, Espainiako estatuak 1940. urtean inauguratutakoa.
E letran, lehenik Nuestra Señora de la Asunción katedralaren kanpandorrea agertzen da, aurrez zeuden eraikuntzen hondarren gainean XVII. mendearen bukaeran eraiki zena.
Letra horretan ere gazitutako arraina agertzen da, hots, “volaores” delakoak; eskulan hau egiten lehenak feniziarrak eta erromatarrak izan ziren 3.000 urte, eta egun arte belaunaldiz-belaunaldi transmititu da.
Orobat Espainiako legioaren uniformearen gorrillo edo chapiri txapel adierazgarria agertzen da, izan ere, 1920an sortu zuen Ceutan legioa José Millán-Astray-ek, “Tercio de Extranjeros” izenarekin. Gaur egun “Duque de Alba” 2. Tertzioa Serrallo-Recarga kuartelean dago.
Murallas Reales edo Errege Harresia izeneko monumentu-multzoak bi letra eusten ditu; antzinako harresi arabiarren gainean eraiki zuten 1415ean portugesek eta defentsa-lerro ezberdinez osaturik dago: gotorlekuak, almenadun-harresiak, arma plaza eta ur-hesi nabigagarria.
Bi letren atzean Ceutako Hezkuntza, Ekonomia eta Teknologiako Fakultateko patioa agertzen da; hain zuzen ere, bere 85. urteurrena ospatzen da aurten.
Zigiluaren behealdeko zerrenda zuria Ceutako banderaren kolorearekin bat dator.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.