Jaulkipen data: 05 ekaina 2020
12 HILABETE, 12 ZIGILU. Huelva
Gastronomia, natura, historia eta debozioa dira Huelvak eskaintzen dizkien zenbait berezitasun probintzia ezagutu nahi dutenei. Ezaugarri horiek irudikatu dira aurtengo “12 hilabete, 12 zigilu” seriearen seigarren zigiluan.
Huelvako gastronomiaren ordezkari nagusi gisadago Jabugo urdaiazpikoa; bere jatorri-deitura babestuarekin, jakina da jaki ederra dela. Iberiar arrazako txerriekin lortzen da, ezkur-larretan haziak, askatasunean. Ezkurrekin eta larre naturalekin elikatzen dira soilik, eta urdaiazpikoa Aracenako eta Arocheko mendizerren artean egiten da.
Bestalde, Ozeano Atlantikoak hainbat arrain eta itsaski eskaintzen ditu; tartean, atun gatzatua, txokoak, Huelvako ganba zuria edo ganba gorriak, eta horren irudia agertzen da zigiluan.
Baratze-marrubien laborantza intentsiboa gastronomiaren parte garrantzitsua izateaz gain, probintziaren nekazaritza-jarduera nagusietako bat ere bada, Huelva Europako ekoizle handiena eta munduko handienetako bat baita.
Gainera, Huelvak lotura estua du Historia Unibertsalarekin, bertan egin baitzituen Kristobal Kolonek prestaketa guztiak Mundu Berrira joateko;1492an joan zen, Palos de la Frontera portutik abiatuta.
“Lugares Colombinos” (Kolonen guneak) deritzen artean daude Santa María de La Rábida monasterioa, Moguer eta Palos de la Frontera, zeinaren Muelle de las Carabelas museoan Santa María, La Pinta eta La Niña itsasontzien erreprodukzioak dauden.
Zigiluan agertzen den fatxada Nuestra Señora del Rocío santutegikoa da; tenplu hori Espainiako erromeria ezagunenetako baten debozio erlijiosoaren sinboloa da, milioi bat pertsona baino gehiago biltzera iristen baita. Ermita hori El Rocíoko herrixkan dago, Almonten, Doñanako parke nazionalaren ondoan. Doñanako barrutia gisa ere ezagutua, Parke horren ikuspegi orokorra agertzen da zigiluaren atzealdean.
Beheko zintaren kolore urdin ilunakprobintziako banderari egiten dio erreferentzia.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.