Jaulkipen data: 01 uztaila 2020
12 HILABETE, 12 ZIGILU. JAÉN
Hamabi hilabete, hamabi zigilu seriearen zazpigarren zigilua Jaéngo probintziari zuzendu zaio; bere elementu nagusiek probintziaren lehen hizkia osatzen dute, hainbat irudirekin.
Zigilua leiho bat bailitzan irekitzen da Mogóngo olibondoen paisaiaren aurrean. Jaéngo paisaia adierazgarria da, probintzia estaltzen duen oliboen tramarekin.
Hizkiaren ezkerraldean agertzen da Jaéngo Arabiar Bainuetako zutabe bat. Haurraren Bainuak gisa ezagutua, XI. mendean eraiki ziren, erromatar bainu batzuen hondarren gainean. XVI. mendean, gainean eraiki zuten berriro: Villardompardoko lehen Kondearen jauregi errenazentista.
Beste zutabea, berriz, Baezako Jabalquintoko jauregikoa da. Gaur egun, Andaluziako Nazioarteko Unibertsitatearen egoitza da, eta fatxadak, modu aberatsean apaindua, eta zutabedun patioak nabarmentzen du, arku bikoitzekoa.Azken horren marmolezko zutabeek armarriak dituzte bazter-zokoetan. 2003an, Unescoko Gizadiaren ondarea aitortu zuten, era bateratuan, Úbedako San Salvador kapera sakratuarekin. Fatxada eta kanpandorrea hizkiaren oinarrian agertzen dira. Kapera eraiki zen Francisco de los Cobosen babesarekin, Carlos V.a enperadorearen idazkaria, Úbedako bere jauregiaren erantsitako panteoi gisa. Jauregi biek Baeza eta Úbedako monumentu multzoa osatzen dute, eta Espainiako Errenazimenduko arkitekturaren adierazle nagusietakoak dira.
Hizkiaren goialdean Jaéngo katedralaren kanpandorrea agertzen da, Birjinaren Jasokundearena. Andrés de Vandelvira arkitektoak eraiki zuen, estilo errenazentistari jarraiki.
Antzinako artea Cástuloko esfingearen irudian agertzen da, Necrópolis de los Higueronesen. Kristo aurreko VII. Mendekoa da, eta Cástuloko zonalde arkeologikoko parte da, Linares. Irudiak lehoi gorputza, arrano hegoak eta gizaki burua du, eta Egiptoko faraoien koro bikoitza du.
Amaitzeko, zigiluaren behealdeko zerrenda berdea probintziaren banderaren kolorearekin bat dator.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.