Jaulkipen data: 03 azaroa 2020
12 HILABETE, 12 ZIGILU. Murtzia
Hamabi hilabete, hamabi zigilu seriearen urteko azken zigiluak Murtziako eskualdea omentzen du. Zigiluak autonomiaren aberastasun guztia biltzen du, eskaintzeko gai den guztiarekin, bisitatu nahi duen edonori. Historiak, kulturak, arteak eta gastronomiak itxura ematen diote autonomiaren bi inizialei: Naresko hondartzaren irudi panoramikoa erakusten dute, Mazarróngo badian, Costa Cálidan goza daitekeen hainbat hondartzetako bat.
Murtziako Erreinuaren oihartzunak entzuten dira eskualdean ikus daitekeen arkitektura sakroak eta militarrak historian utzitako ondarean.
Honela, lehen inizialaren goialdean agertzen da Huertas de Lorcako Birjinaren Santutegiko dorrea, XV. mendearen amaieran lehen aldiz eraiki zena. Uholde batek suntsitu zuen 1653an, baina berriro eraiki zen XVIII. mende erdialdean, udalerriko obra bikainetako bat izanda.
Bigarren inizialaren goialdean agertzen da Alhamako gazteluko omenaldiaren dorrea. Harresia Granada eta Aragoiko Erreinuen mugakidea zen, eta dokumentatuta daude okupazio musulmanaren faseak XIII. mendera arte, XIV. mendearen azken herenean gaztelua nahiz Alhamako herria Fajardo familiaren jabetza bilakatu zirenean, eskualdeko beste herri batzuekin batera.
Bigarren inizialean agertzen den dorrea Murtziako katedralaren parte da; bere 95 metroekin, Espainiako altuena da. Mendeetan zehar eraiki izan denez, hainbat arkitektura estilo nahastu dira jatorrizko estilo errenazentistaren gainean, tartean barrokoa eta neoklasikoa. Horri esker, dorreak edertasun berezia eta bakarra du.
Bi inizialen azpiko zerrendan, Murtziako baratzean landatzen diren zenbait fruta eta barazki agertzen dira. Eskualdearen jarduera ekonomiko nagusietako bat da, ardogintza sektorearekin batera; zigiluan irudikatzen da, Jumillako ardoen JDBarekin. Monastrell barietatearekin egiteari esker, ardoak ukitu bereziak ditu, nabarmentzen diren ardo gorri nahiz beltzetan.
Murtziako gastronomiari dagokionez, berriz, gozogintzan goza daiteke; esaterako, paparajote postre tradizionalarekin. Limoiondoko hosto bat arrautzeztatuta egiten da, irin, arrautza, esne eta limoi-arraspan. Jarraian, hoztu egiten da eta kanela eta azukrea botatzen zaizkio gainetik.
Zigiluaren behealdeko zerrenda gorri bizia da, Murtziako banderako kolorea.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.