Jaulkipen data: 18 martxoa 2020
URTEURRENAK. Fraternidad – Muprespa mutualitatearen 90. urteurrena
Fraternidad – Muprespa Gizarte Segurantzaren 275. Mutualitate laguntzailea da eta 2019. urtean fundazioaren 90. urteurrena ospatu zuen; ospakizun hau azken urteotako ibilbideaz jabetzeko unea da, non hedapen eta garapen handiko uneak eta zailtasun handiagoko uneak bateratzen diren, eta sektoreko hirugarren mutualitaterik garrantzitsuena bilakatu den kuoten bolumenei dagokienez.
1929. urtean sortu zen, Escolástico Zaldívar Aguarónek eta Rafaela Otal Pló bere emazteak “La Fraternidad” eratu zutenean, hain zuzen ere beren Bilboko etxean bertan egoitza ezarri zutenean. Familia-egituran oinarrituta, entitatea 60ko hamarkadan hasi zen garatzen eta Espainiako hiri nagusietara hedatzen hasi zen. Hurrengo hamarkadan ordezkaritza eta laguntza- eta prebentzio-zentro berriak ireki zituzten Bartzelonan, Zaragozan, Bilbon, Caceresen eta Kordoban; horrela, 1973. urtean Madrilgo Paseo de la Habanako Ospitalea inauguratu zuten.
80ko hamarkadan entitatea izugarri zabaldu zen, hots, 14 mutualitate bere egin zituen, horietariko asko tokiko egitura zutenak; halaber, prestakuntza akademiko eta zientifikoan buru izan zen, sinposio eta jardunaldi ugari antolatuz.
1998ko abenduaren 31an La Fraternidad eta Muprespa-Mupag entitateek bat egin zuten.
Gaur egun Fraternidad-Muprespa mutualitateak osasun-arretarako sare zabala du: 122 zentro propio ditu, adostutako 900 zentro baino gehiago eta bi mila langile baino gehiago. Lankidetzan aritzen diren 123.000 enpresa ditu eta milioi bat langile baino gehiagori estaldura ematen die.
2019. urtean Madrilen Fraternidad-Muprespa Habana Ospitalea ireki zuen, baliabide teknologiko eta diagnostiko aurreratuenekin. Traumatologian erreferentziako zentroa da mutualitateen sektorean, eta Europa mailan Integral LEED for Healthcare ingurumen-jasangarritasuneko ziurtagiria duen ospitale bakarra da, Platino kategorian hain zuzen ere, hau da, lor daitekeen hoberena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.