Jaulkipen data: 15 ekaina 2020
LGTBI HARROTASUNAREN NAZIOARTEKO EGUNA
Lehen aldiz, LGTBI harrotasunaren bandera protagonista duen zigilu bat jaulki da.
Ostadar-bandera ezagunaren jatorria San Frantziskotik dator; Gilbert Baker-ek diseinatu zuen, 70eko hamarkadako gayen eskubideen aldeko artista eta aktibistak.
Jatorrizko diseinuan, zortzi kolore zeuden: arrosa, gorria, laranja, horia, berdea, turkesa, urdina eta morea.
Hainbat uste daude bandera osatzen duten koloreen esanahiari buruz. Zenbaitek koloreak sexu-orientazioekin lotzen dituzte, baina Bakerrek honela planteatu zuen: arrosa sexualitatea da; gorria, bizitza; laranja, osasuna; horia, eguzkiaren argia; berdea, natura; turkesa, magia eta artea; urdina, lasaitasuna; eta morea, berriz, espiritua.
Espainian, Torremolinoseko Pasaje Begoña elkartea izan zen, nahi gabe, LGTBI kolektiboaren eskubideen eta askatasunen bilgunea 60ko eta 70eko hamarkada hasieran.
Hondartzez, hotelen luxuaz, festez eta gaueko klubez gain, Torremolinosen xarma nagusietakoa zen askatasun, aniztasun eta abangoardia giroa. Pasaje Begoña elkartea nabarmentzekoa da, aniztasunarekiko askatasunaren eta errespetuaren erreferente bilakatu baitzen. Horrela, LGTBI kolektiboa eskubideak eskuratzen hasi zen, pixkanaka-pixkanaka.
1971ko ekainaren 24an, Pasaje Begoñan egin zen polizia-sarekada inflexio-puntua izan zen mugimenduarentzat: sekulako isunak, atxiloketak, lokalen itxiera, are bertan zeuden turistak deportatzea euren jatorrizko herrialdeetara.
Bai Andaluziako Parlamentuak bai Diputatuen Kongresuak eskubide eta askatasunen sorleku deklaratu dute, eta tokia pixkanaka berreskuratzen eta sustatzen ari dira, Torremolinosen, Andaluziaren eta Espainiaren memoria historikoaren gune eta erakargarri turistiko eta kultural gisa.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.