Jaulkipen data: 14 maiatza 2020
Geografiako Institutu Nazionalaren 150. urteurrena
Geografiako Institutu Nazionala 1870ean sortu zen eta garai hartan Sustapen Ministerioaren baitan zegoen. Erakundearen lana kartografian, triangulazio geodesikoetan eta pisu eta neurrietan zetzan.
Aurten, 150. urteurrena ospatzen da, eta mende eta erdian institutuaren helburu eta funtzioek aldatu egin dira denborak ezartzen duen erritmora, nahiz eta zerizanak bere horretan dirauen.
Hasiera batean, Lurraren forma eta dimentsioak ezartzean zetzan lana, edo mapa eta katastroak egitean.
Gainera, Geografiako Institutu Nazionala pisu eta neurrien sistema ofiziala kudeatzeaz arduratzen zen hasieran.
Gaur egun, XXI. mendean, teknologia berriak erabiltzen dira astronomia, geodesia, geofisika, kartografia eta geomatika alorretan egunero egiten diren lanetan.
Era berean, azpiegitura astronomikoak planifikatu eta esploratzen ditu eta astronomiari buruzko informazioa zabaltzen du, eta baita Madrilgo Errege Behategia kudeatu, sumendien jarduera zaindu edo datu-base topografikoak egin eta kudeatu ere.
Bere historian zehar, funtzionario-talde garrantzitsuak IGNari lotuta egon dira beti. Egun, talde hauek eratzen dute: Ingeniari Geografoak, Astronomoak, Topografia Ingeniari Teknikoak eta Erreprodukzio Kartografikoan Aditu diren Teknikariak.
Correos-ek onomastikari eskainiko dion lehenengo zigilu hau bloke-orri zabalgarri berezi batean dago markoztatuta, eta orografia konplexu bat gogorarazten digu behin zabaltzen denean.
Hainbat bineta daude ikusgai mapa kartografikoekin, erupzioan dauden sumendiekin edo ibai baten irudiekin. Zigilu honetan 150. urteurrenaren logotipo koloretsua ageri da, Madrilgo General Ibáñez Íbero kalean dagoen Geografiako Institutu Nazionalaren egoitza nagusiaren siluetaren marrazkiarekin batera.
Berezko azpiegitura astronomikoen eta instrumentazioaren planifikazio eta ustiapen zientifikoa egiten du, baita erradioastronomiaren inguruko lanak ere, astronomiari buruzko informazio ofiziala hedatu eta Madrilgo Errege Behatokiaren ondarea babesteko lanak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.