Jaulkipen data: 09 urtarrila 2020
URTEURRENAK. 824, Brañoserako Forua
Palentziako Brañosera udalerriak du Espainian eratu zen lehen udala izatearen ohorea, Munio Núñez kondeak eta Argilo de Trasmiera bere emazteak emandako foruak berretsi gisa, 824ean.
Jatorrizko dokumentua larruzko pergamino batean egin zen, eta San Pedro de Arlanzako monasterioan egon zen artxibatuta, XIX. mendean desamortizatu zen arte. Dokumentuaren bi eskuzko kopia egin ziren XVIII. mendean eta Santo Domingo de Siloseko monasterioan artxibatu ziren, gaur egun arte.
Brañoserako forua edo hiri-gutuna Gaztelako foruen artean lehena izan zen, baita gordetako zaharrena ere. Garrantzitsua da bertan bizitzen hasi ziren familiei buruzko informazioa duelako, baita Fernán González kondearen familiari eta arbasoei buruzkoa ere. Horrez gain, udalerriaren mugak ezartzeko lekuei eta toponimiari buruzko informazio asko azaltzen du dokumentuak.
Brañoserari hiri-gutuna eman zitzaion Asturiaseko Erreinuko hegoaldeeneko eskualdeak birpopulatzen ari zirenean, Alfontso II.aren erregetza garaian. Helburua zen Asturiasek aurrea hartzea Kordobako emirerriari Penintsula eskuratzeko lehian.
Foruak zenbait pribilegio eman zizkien udalerrian bizitzen hasi zirenei, baita zenbait betebehar kendu ere. Pribilegio horiek ez ziren pertsonalak soilik; eremua populatzen zuen orori zabaltzen ziren.
Espainiako Konstituzioaren 40. mendeurrena ospatzeko ekintzetan, Diputatuen Kongresuak eta Espainiako Senatuak omenaldia egin zioten Brañoseraren sorkuntzari, Espainiako historiaren lehen herritzat hartzen baita.
Zigiluanudalerriaren udaletxeko fatxada agertzen da, eraikuntza historikoan inspiratua, hiri-gutunaren kopia batekin. Horren ondorioz, diseinu klasikoko zigilua da.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.