Jaulkipen data: 09 ekaina 2020
EUROPAREN ERAIKITZAILEAK. ROBERT SCHUMAN
Europa baketsu, bateratu eta oparoaren nahia helburu partekatua izan zen ameslari talde batentzat; fede zuten proiektu esku-zabal batean, egun Europar Batasuna deitzen dioguna, alegia.
Horietako askok eginkizun garrantzitsuak bete zituzten euren sorterrietan, gerora Europa bateratu bat sortzeko eginkizuna bete ahal izateko.
Correosek zigilu bat sortu du “Europaren gurasoak” gisa ezagutzen direnak omentzeko: Konrad Adenauer, Jean Monnet, Winston Churchill, Robert Schuman, Alcide de Gasperi, Paul-Henri Spaak, Walter Hallstein eta Altiero Spinelli.
Pertsona horiek gogor egin zuten borroka eta lan, nazioarteko erkidego bat sortzeko munduko gainerako potentzien aurrean, arlo ekonomikoan batez ere, baina baita arlo sozial eta kulturalean ere.
Zigilu hau Robert Schumanen omenez da. Estatu-politikaria eta legegizona, Frantziako Kanpo Arazoetako ministro izan zen 1948 eta 1952 bitartean.
Jean Monnet aberkidearekin batera, Schuman plan ospetsua diseinatu eta prestatu zuen, Europar Batasunaren jaiotzarako giltzarri izango zena. Aurten betetzen da planaren 70. urteurrena.
Proposamenen artean, ikatzaren eta altzairuaren ekoizpenaren kontrol bateratua zegoen; izan ere, horiexek ziren armen industriarako lehengai nagusiak.
Hortik sortu zen Europako Ikatz eta Altzairuaren Erkidegoa:EIAE.
Horrez gain, Schuman Europako Kontseiluko Legebiltzarraren lehen presidentea izan zen 1958 eta 1960 bitartean, gaur egungo Europako Parlamentuaren aitzindaria.
Zigiluan hiru dimentsioko kubo bat agertzen da, Europaren koloreekin; izarren bidez, Robert Schumanen aurpegia irudikatzen da.
70 urte pasa dira gizateriaren historiarentzat hain garrantzitsua den gertaera hartatik, eta zigilu honen bidez ospatzen dugu, gaur inoiz baino gehiago, europar izatearen garrantzia.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.