Jaulkipen data: 13 uztaila 2020
EUROMED. Mediterraneoko gastronomia tradizionala. Espeto
Málagako Costa del Solen dasta daitekeen jaki ezagunenetako bat da espetoa. Plater sinplea da, erraza egiten: sardina batzuk kanabera batean sartzean datza, suaren txingarren gainean egiteko. Ingurune naturalean jaten dira, Mediterraneoko hondartza ertzeetan. Nahiz eta sinplea dirudien, teknika berezia da, kultura tradizionaleko hainbat eta hainbat urtez hobetua. Horrela, arraina (sardinak, gehien bat) ondo sartzen da eta ez da gaizki egiten.
Laburbilduz, malagar kulturaren eta Mediterraneoko gastronomia tradizionalaren parte da sukaldaritza teknika hau.
Bere ospea XIX. mende amaieratik dator, Málaga eratzen duten tranbia eta trenen bideak ezarri zirenean. Haiei esker, gainerako biztanleek itsasora hurbiltzeko aukera zuten, hondartzara joateko; izan ere, antzina olatu bainuak esaten zitzaion. Helmuga horietako bat zen El Palo. Bertan, 1882an, Miguel Martínez Solerrek hondartzan ireki zuen bere taberna ospetsua La gran parada. Costa del Soleko lehen hondartzako tabernetako bat izan zen, eta lehena sardinak kanabera batean sartzen eta txingarretan egiten hondartza alboan. Malagarren arreta deitzeaz gain, garaiko Espainiako pertsonaia ospetsuena ere bereganatu zuen, tartean, Alfontso XII erregea.
Gaur egun, itsasoaren eta hondartzen alboan dauden jatetxe askok prestatzen dute espetoa, ontzietan. Horrek, espetariei lana errazteaz gain, sardinak prestatzen laguntzen du, ketu ez daitezen.
Zigilua Euromed Postal urteko seriearen parte da, eta Premium paper-orrian formatuan egin da sei zigilurekin. Zigiluek trokel bat dute, su gainean espetatuta dauden sardinen profilarekin. Zilarrezko efektua duen cold-foil teknikarekin inprimatuta, ezkaten tonua imitatzen dute.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.