Jaulkipen data: 14 maiatza 2020
EUROPA. Antzinako Posta Ibilbideak
Antzinatik erreinuak, estatuak eta inperioak egituratzeaz gainera, posta-ibilbideak ezinbestekoak izan dira historian zehar gobernuen eta gizarteen arteko kohesioa mantendu ahal izateko. Antzinako ibilbide komertzialei esker, posten arteko distantzia onak eta pausaguneak tartean, postari eta mezulariek gutunak batera eta bestera eraman ahal izan zituzten, geografiak ezartzen zituen mugez gaindi.
Gure herrialdean, ibilbide horiek Erromatar Inperioaren garaietatik datoz. Haiek tartesso, feniziar eta erromatarren aurreko herrienak ziren ibilbideak aprobetxatu zituzten galtzada-sare bat eraiki eta posta ofizialak edo cursus publicus delakoak zirkularazteko.
Erdi Aroko mendeetan zehar, posta-truke eskasa izanik ere, ez zen komunikazioa guztiz desagertu: ibilbideak berreskuratzen hasi ziren pixkanaka, kristau-erreinuak zabaldu eta merkataritza eta hiriak garatu ahala Behe Erdi Aroan.
Errenazimentu garaian, berpiztu egin ziren posta-ibilbideak Francisco Tassis jenioari esker. Berak lortu zuen Europa mailan lehenengo sarea egituratzea. Gerora, Filipe Ederrak Posta Maisu izendatu zuen Tassis. Behar bezala ustiatzen jakin zuen sarea eta, horrela, Monarkia Hispanikoaren funtsetako bat ezartzea lortu zuen.
Une hartan egituratzen hasi ziren bide-sareak izugarri indartu ziren borboitarren dinastiak egin zituen lanei esker: bide-sorta Correos eta Posten Superrintendentzietan barne hartu zen eta bide-zati batzuk moldatu eta zolatu zituzten, postetxeak eta bidesariak eraiki zituzten, Correosen Errege Etxea eraiki zen, hots, egungo Estatuaren errepide-sarea egituratuko zuen posta-bideen sareen zero kilometroa.
Jaulkipen hau PostEurop-ek kaleratzen duen Europa seriearen zati da. Premium paper-orri formatuan egin da; bertako irudi nagusia ikonikoa da eta postari bat ageri da bizikletan landa-ibilbide batean. Ibilbide horiek iraganean izan zuten garrantzia azpimarratu nahi du zigilu honek,izan ere, orainaren oinarri dira. Bide eta errepideen albo zati batzuk irudikatu dira edo antzinako eta egungo ibilbideetakoak, adibidez, autobideenaketa autopistenak.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.