Jaulkipen data: 08 uztaila 2020
GASTRONOMIA. ARKUMEKI-GISATUA. EXTREMADURA.
Correosek zigiluen bidez azken urteotan egin duen Espainiako gastronomiaren bidaia zirraragarrian, plater tipikoen aurtengo bideari ekin dio “Espainia 19 plateretan” seriean. Lehenengo geldialdia Extremadura izango da, plater ezagunenetako batekin: arkumeki-gisatua.
Extremadurako gastronomia tradizionalak sukaldaritza-estilo sinplea du, kutsu landatarra duena, eta artzain eta nekazarien mendeko historia du, lehengai bikainak erabilita.
Hauek dira probintzia honek eskaintzen dizkigun zenbait produktu: dehesan hezitako txahal eta arkume haragia, La Verako piperrautsa, iberikoak edo gaztak, hala nola Casarreko opila edo Serenakoa, besteak beste.
Hauekin eta kalitate bereko beste zenbaitekin, extremadurar sukaldaritzan nabarmentzekoak dira su motelean prestatutako platerak, denbora zehatzekin, zaporeak nabarmentzeko eta osagaiei etekina ateratzeko.
Horren adibide dira ogi zatikatua oinarri duten zopak: tomate-zopa, baratxuri-zopa edo antruejo zopa. Ogia ere erabiltzen da ogi-mamiak egiteko, txorizo frijitu, sardina edo hirugiharrarekin.
Zigiluan agertzen da errezeta ezagun horietako bat: arkumeki-gisatua.
Arkumeki-gisatua egiteko arkume zati onduak erabiltzen dira, gatza, oliba-olio, ardo, ura, baratxuri, tipula, piperra eta ereinotzetan. Tradizioari jarraituz, burdinazko eltze batean egiten da, suaren gainean.
Zigilua markoztatzen duen bloke-orriak Extremadurako gastronomia tradizionalaren filosofia biltzen duen tokiko sukaldari ezagun baten irudia aurkezten du: Javier Garcia. Are gehiago, jaulkipenean agertzen den arkumeki-gisatua bere bertsioa da.
Extremadurar dehesaren irudi batek osatzen du diseinua; errealitate areagotuan biltzen den plateraren prestaketa eta zigiluak darion arkumearen usaina dela eta, badirudi platera aurrean dugula.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.