Jaulkipen data: 30 martxoa 2020
PENINTSULA IPARRALDEKO SANTIAGO BIDEAK
Antzinako erromesaldi hau osatzen duten ibilbide historikoetako bat da Iparraldeko Santiago Bidea. Honako hau, zehazki, Compostelara iritsi eta Santiago apostoluaren hilobia ikusteko europar erromesek gehien erabilitako bidea da.
Espainiako iparralde osoa zeharkatzen du “bide” honek, Frantziatik Galiziaraino Kantauri itsasoko ertzari jarraituz.
Iparraldeko Santiago Bideak hainbat aukera ematen ditu itsasertzak eta sarguneak saihesteko, galiziar barrualdera heldu arte.
Urte batzuk badira Correosek txartel bat eskaintzen diona ibilbide honi; aurten, zehatz-mehatz, San Vicente de la Barquera eta Santo Toribio de Liébanatik igarotzean.
Lehen zigiluak San Vicente de la Barquerako Santa María de los Ángeles elizaren irudia dakar. Kultura Interesko Ondasun aitortu zuten 1931n. Handik hiribildu osoa dago ikusmenean, eta harresi batez inguratuta dago; bertan, “erromesen ate” deritzona ikus daiteke, Santiago bidea egiten dutenek igaro beharrekoa. Eliza hori Kantabriako arkitektura gotikoaren adibide nagusietako bat da, eta Iparraldeko Santiago Bidearen ikurra.
Bigarren zigiluak Santo Toribio de Liébanako eliza du protagonista. Santiago Bide guztiek ez daramate Apostoluarenganaino. Aitzitik, batzuk adarkatu egiten dira. Honako hau, esate baterako, Liébanako Bide bihurtzen da, Santiago erromesbidea; haren bidez, aukera dago Compostelara iristean bezalako barkamenak lortzeko, baina Kantabriatik irten beharrik gabe.
San Toribio monasterioan kristauteriaren erlikia garrantzitsuenetako bat gordetzen da: Kristoren Gurutzearen zati ezagunik handiena. Hori dela eta,
bidea hausten zuten Iparraldeko Bidetik Santiago de Compostelarantz zihoazen erromes askok, Kristo iltzatutako tantaiari musu emateko. Julio II.a aita santuak Santo Toribiori bere jubileu-urtea ospatzeko pribilegioa eman zionetik, lagun gehiagok aukeratzen dute bide hori.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.