Jaulkipen data: 28 urria 2020
CÁCERESEKO FRATREEN ORDENA
Fratreen Ordena Santiagoko Ordenaren jatorria dela uste da. Garaiko erreferentzien arabera, 1170ean, Leongo Errando II.ak sortu zuen Fratreen Ordena, eta Alexandro III.a aita santuak berretsi zuen bulda bidez bost urte beranduago.
Ordenaren xede nagusia zen Errekonkista kristauari babesa ematea Iberiar Penintsulan musulmanek okupatutako lekuetan, eta Donejakue Bidea egiten zuten erromesak babestea.
Pedro Fernándezek, Fuentencaladako jaun zenak, eta beste hamabi zaldunek osatzen zuten. Fernández kalonjea eta militarra zen eta Santiagoko Ordenaren sortzaile eta lehen maisutzat hartzen da.
Leongo erregearen aginduari jarraikiz, "Fratreak" Cáceres hiria defendatzeaz arduratu ziren bereziki.
1174an, Abu Yaqub Yusuf almohade-kalifak Cáceres erasotu zuen, Penintsulan botere musulmana ezartzeko asmoz. Nahiz eta Fratreek aurre egin, emirrak irabazi zuen eta defendatzaileei lepoa moztu zien Bujacoko dorrea zeritzanean, historiak dionaren arabera.
Zaldun horiek agindu zitzaien lana betetzen hil ziren arren, Fratreen Ordena zaharretik sortu zen Santiagoko Ordena, zeina Espainian botere eta eragin handia izan zuen.
Ordenaren kide izateak bereizkuntza soziala zekarren, eta botere ekonomikoaren seinale zen. Eliza nahiz nobleziako pertsona nabarmenenak zituzten Santiagoko Ordenan karguak.
Erdi Aroko Ordena horri zuzendutako premium paper-orriak zenbait zigilu biltzen ditu, armarria kasu. Bi ezpata gurutzatu ditu: sinbolo hori Cácereseko zenbait eraikinetanikus daiteke oraindik ere, nahiz eta garaiko jantzietan ezpata gorri bat agertzen zen bularrean.
Extremadurako hiri horren irudiz inguratua, zigiluak behe-erliebea du, bereziagoa egiten duena.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.