Jaulkipen data: 05 urria 2020
MUNDUKO ONDAREA.
KANARIA HANDIKO RISCO CAÍDO ETA MONTAÑAS SAGRADAS
PAISAIA KULTURALA
2019ko uztailak 7, UNESCOren Munduko Ondarearen Batzordeko 43. saioan, Kanaria Handiko Risco Caído eta Montañas Sagradas paisaia kulturala gisa aitortu ziren.
Zigilua kalkografia bat da, eta motibo nagusia du bertako tontor menditsuetako bat, paisaia orokorraren ikuspegia duen bloke-orri baten barruan.
Leku hau gune zoragarriz beteta dago; esaterako, iraganeko gizakien zantzuak dituzten haitzuloak.
Haitzulo horietako zenbait agertzen dira ezkerreko ertzean, Barranco Hondoren azpian, paleontologia arrastoetan aberatsa den gunea izaki. Risco Maldito gisa ere ezagutua, herrixka hau utzita dago XX. mendeko erdialdetik.
Haitzuloetako bat, C6 deitua, almogarén bat zela uste da; hots, Faycan apaizak biltzen ziren tokia. Haitzuloak forma berezia du, ganga formako egitura du eta. Gainera, zulo artifizial bat du, eta, egunsentiko argia sartzean, efektu optiko berezia sortzen du, haitzuloko paretan dauden irudien gainean.
Irlaren erdigune menditsua interesgarria da bere morfologia eta bioaniztasunarengatik.
Gainera, gaur egungo kanariar gizartearen jatorria osatzen duten bi kulturen arteko elkargunea da. Bata, Afrika iparraldekoa, seguruenik aro aldaketan etorri zena; eta, bestea, Europakoa, Aro Modernoaren hastapenetakoa.
Sinbiosi kultural horretatik datoz hainbat elementu eta tradizio. Batzuk, ahaztu egin ziren; beste batzuk, berriz, izaera sakratua ematen diete mendi sakratu hauei, gaur egunera arte.
Bloke-orrian agertzen den moduan, leku zoragarri honek magia kutsu bat ere badu.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.