Jaulkipen data: 19 urtarrila 2021
URTEURRENAK. MADRILGO PRENTSA ELKARTEAREN 125. URTEURRENA.
Madrilgo Prentsa Elkartea (APM) 1895eko maiatzaren 31ko 22:00etan sortu zuten 173 kazetarik, Real Sociedad Económica Matritense de Amigos del País elkartearen ekitaldi-aretoan. Kazetari horien artean emakume bakarra zegoen: Jesusa Granda, “El Globo” egunkariko kolaboratzailea. Sorrerako bileran garaiko egunkarietako zuzendari guztiak eta garai hartako kazetari garrantzitsuenak izan ziren.
Elkarte horren helburu nagusietako bat da kazetariaren informazio askatasunaren eta duintasunaren alde borrokatzea.
Helburu horrek indarrean jarraitzen du oraindik ere, noiz eta gizarte-sareak desinformazio-iturri nagusi bihurtu direnean, “fake news” delakoak sortzen dituztenak, eta sortzen dituztenen nahierara errealitatea eraldatzen dutenak.
Informazioa boterea da, beti izan da eta izango da; horregatik, informazioa zaintzea eta errespetatzea ezinbestekoa da bi ahoko ezpata bihur ez dadin.
Horregatik guztiagatik, adierazpen- eta informazio-askatasunak inoiz baino gehiago behar du APMk duela 125 urtetik egiten duen defentsa zorrotza.
Urteurren berezia da, 125 urte ez baitira egunero betetzen, eta horregatik Correosek elkarte horri eskaintzen dion zigilua merezi du.
Madrilgo Prentsa Elkartearen kolore bereizgarria urdina da, eta zigiluak kolore hori du nagusi. Iragana eta orainaldia nahasten dira grabagailuen, mikrofonoen edo telefono mugikorren irudiekin, profesional horientzat ezinbestekoak diren tresnak eta defendatzen duten “egia” horren sinboloak baitira; izan ere, grabatzen denak bere horretan dirau.
Iraunkortasun hori zigiluen ezaugarri nagusietako bat da; izan ere, APMri egindako omenaldi hori betiko grabatuta egongo da lau zentimetroko zigilu txikian. Zigilu horrekin, beti gogoratuko da duela mende bat baino gehiagotik informazioaren egiazkotasunaren eta profesionalen babesaren alde erakunde bat dagoela.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.