Jaulkipen data: 22 apirila 2021
TELEKOMUNIKAZIO INGENIARI TITULUAREN MENDEURRENA
Telekomunikazioak aurrerapauso handiak ematen ari diren garai honetan, non atzo berria zena gaur zaharkituta geratu den, telekomunikazio ingeniari tituluak 100 urte bete ditu.
Telekomunikazio Ingeniarien lehen promozioa 1913. urtean sortutako Telegrafiako Eskola Nagusitik atera zen.
Errege Dekretu baten bidez titulazio berri horren beharra agindu zelarik, telekomunikazioen ikasketak maila gorenera heldu ziren.
1866. urtean, Telegrafoen Eskolan, Telegrafoen Kidegoan sartzeko prestakuntza jasotzen zuten izangaiak zeuden.
Hainbat urtez aldatu ondoren, 1920an, Eskola berrantolatu egin zen hiru hezkuntza-maila eskaintzeko: oinarrizkoa, ertaina eta goi-mailakoa. Azken hori izan zen telekomunikazio ingeniariaren tituluaren aurrekari zuzena.
Telekomunikazioak gure bizitzako alderdi guztietan daude. Industriatik osasunera, hezkuntzatik garraiora, beharrezkoa da eguneroko bizitzan telekomunikazioen sare sendoa izatea.
Adibide hurbila da COVID-19 delakoak eragindako pandemian zehar, telekomunikazioen sektoreak biztanleriari eskaini dion eta eskaintzen jarraitzen dion funtsezko eta ezinbesteko estaldura: telelana, online eskolak, bideo-deien bidezko kontsulta medikoak, adibiderik esanguratsuenak dira. Eta ezin da ahaztu konfinamendu zorrotzenean familiarekin eta lagunekin birtualki harremanetan egotea ahalbideratu zuela.
Efemeride hori dela-eta Correosek jaulkitako zigiluak, batetik, mendeurrena ospatzeko sortutako logotipoa dakar, eta, bestetik, telekomunikazio ingeniarien armarria. Zigiluaren atzealdea komunikazio-sareak irudikatzen dituen ilustrazio batek betetzen du.
Correosek modu berezian ospatzen du mendeurrena, oso lotuta baitago titulazio horrekin; izan ere, neurri batean, gaur egungo telekomunikazio ingeniariek garai hartako telegrafistetan dute jatorria.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.