Jaulkipen data: 23 apirila 2021
MADRILGO ATENEOAREN BIGARREN MENDEURRENA
Madrilgo Ateneoko Liburutegi ikusgarriaren irudi batekin, Correosek erakunde horren bigarren mendeurrena ospatzen du.
Madrilgo Ateneoa artearen, literaturaren eta zientziaren topagunea da duela bi mende baino gehiagotik, bertan mundu guztia sartzen zelako: ateoak, erlijiosoak, errepublikanoak, monarkikoak, kontserbadoreak edo liberalak. Guztiak modu zibilizatuan bizi ziren, eztabaidetan eta elkarrizketetan besteen ideiak onartuz eta errespetatuz.
Ateneoak Espainiako kulturako hiru handi ditu: arteen izenean Velázquez, zientzien izenean Alfontso X.a Jakituna, eta letren izenean Cervantes.
Barruan, Erretratuen Galeria ikus dezakegu. Bertan, Ateneoan beren gaitasunak erakutsi zituzten intelektual garrantzitsuenen irudi-bilduma dago. Besteak beste, Cánovas del Castillo, Valle Inclán edo literatura saileko presidente hautatu zuten Emilia Pardo Bazán. Hautaketa hori sinestezina izan zen garai hartan, eta galeria horretan erretratua duen emakume bakarra da.
Jaulkipen honen gai nagusi den liburutegiak 150.000 monografia-titulu baino gehiago ditu, gutxi gorabehera 350.000 bolumenekoak. Liburutegi entziklopedikoa da, mota guztietako gaiak eta generoak hartzen baititu. Datu bitxi bat: goreneko garaian goizeko bederatzietan irekitzen zen eta gaueko ordu bietan ixten zen, eta catering-zerbitzua ere bazuen. Gaur egun indarrean dagoen legenda batek dio liburutegi honetan ikasten baduzu, inoiz ez duzula azterketa batean huts egingo.
Beste txoko berezi bat Ekitaldi Aretoa da. XIX. mendeko politikariek behin eta berriz entseatzen zituzten beren diskurtsoak, Kongresuan bota aurretik.
Laburtuz, erakunde hori ondare bizia da gure herrialdeko kulturan, gure historiako une garrantzitsuenetako batzuen lekuko da, eta gaur egun bere korridoreetan barrena dabilen edonork ikus dezake iraganera bidaiatzean arnasten den sentsazio berezi hori.
A tarifa - 0,75 €. 20 g arteko Gutun edo Posta-txartel Nazional Arrunt “normalizatuak”.
A2 tarifa - 0,85€. 20 g-tatik 50 g-tara arteko Gutun edo Posta-txartel Nazional Arrunt “normalizatuak”.
B tarifa - 1,65 €. Europara zuzendutako (Groenlandia barne), 20 g arteko Nazioarteko Gutun edo Posta-txartel Arrunt “normalizatuak”.
C tarifa - 1,75 €. Munduko gainerako lekuetara zuzendutako (AEB, Kanada, Japonia, Australia eta Zeelanda Berria izan ezik), 20 g-ra arteko Nazioarteko Gutun edo Posta-txartel Arrunt “normalizatuak”.
D tarifa - 2,10 euro. AEBra, Kanadara, Japoniara, Australiara eta Zeelanda Berrira zuzendutako 20 g-ra arteko Nazioarteko Gutun edo Posta-txartel Arrunt “normalizatuak”.