Historiako protagonistak.- 2021. Juan de Castillo

HISTORIAKO PROTAGONISTAK. JUAN DE CASTILLO

Historia hitza irudikatzeko, H itxura duen trokel baten zigilua dugu, historiako protagonista batzuk gogoraziz. Kasu honetan, jaulkipena Juan de Castillori eskainia dago, eta hauxe jasotzen du: Kantabriako Arnuero udalerriko San Pedro elizaren albo batean txertatutako bustoaren kopia, bertan jaio zela uste baita, eta ondoan, Santa María da Vitória monasterioko klaustroaren irudia; monasterio hori Batalhako monasterioa izenez ezagutzen da, eta haren egilea izan zen.

Juan de Castillok, Kantabrian jaioa, Portugalen izan zuen onarpen handiena. Han, João de Castilho deitzen diote, eta heroi nazionaltzat daukate, besteak beste, gaur egun UNESCOk Gizateriaren Ondare gisa erregistratutako bost lan dituen munduko arkitekto bakarra delako.

XV. mendearen amaieran Burgosko katedralean lan egin zuela uste da. Urte haietan dagoeneko fatxadako bi orratz lerdenak zituen, Juan de Coloniak lehenago eginak, eta, une hartan, Simón bere semearen zuzendaritzapean, Condestableko kapera ospetsua eraikitzen ari ziren. 

Bere lorpen handienak Portugalera joan zenean iritsi ziren, Manuel I.aren garaian; errege horrek, Zorionekoa deitzen zutena, arteak, zientziak eta aurkikuntzak nabarmen sustatu zituen. 

Bragako artzapezpikuak kontratatu zuen Bragako katedraleko kapera nagusiaren eraikuntza zuzentzeko.

Han, bere ospeak gora egin zuen. Aipatu bezala, UNESCOk bere bost lan Gizateriaren Ondare izendatu ditu, eta nazioartean garrantzitsuenak dira. Hauek dira: Kristo komentua, Tomar-en, Lisboatik 138 km ipar-ekialdera; Belemeko Jeronimoen monasterioa, Lisboan; Batalhako monasterioa, Batalhan, Lisboatik 153 km iparraldera; Alcobaçako monasterioa, Lisboatik 125 km iparraldera; Mazagango gotorlekua, Marokon.

Gaur, Espainiako Filateliak zigilu bat eskainiko dio bere lan handiaren eta gure herrialdean eta hemendik kanpo utzi duen arrastoaren omenez.