Oinarrizko seriea. -2021. Berorren Maiestate Felipe VI.a Erregea

OINARRIZKO SERIEA. FELIPE VI.a

Oinarrizko seriea da serie filateliko bat, non zirkulazioan jartzen den zigilu-kopurua mugagabea eta denbora luzerako den.

Herrialde monarkikoetan, gehienetan, erregearen edo erreginaren irudia agertzen da zigiluan.

Espainiako lehen oinarrizko seriea 1850ean hasi zen, lehen posta-jaulkipenarekin batera, eta Isabel II.a erreginaren irudia agertzen zen bertan.

Espainiako oinarrizko serieen diseinuek estatuburuen irudiak  eta motibo alegorikoak erreproduzitu dituzte, etapen arabera.

Orobat, oinarrizko serieetan aparteko garaietan estatuburu izan zirenak agertzen dira, hala nola Amadeo Savoiakoa edo, erregegai izendako Carlos VII.aren kasuan, karlisten eremuan jaulkitako zigiluak, bere irudi nagusiarekin.

Oinarrizko seriearen helburua da posta-trafikoaren ohiko beharrak asetzea eta bidalketak egiteko behar diren balio anitzak ematea, bai gutunetan bai paketeetan eta balio erantsiak dituzten beste posta-produktu batzuetan.

Batzuetan, posta-tarifen urteko aldaketa dela eta, zigiluen frankeoa osatu behar izaten da, eta, kasu horretan, oinarrizko seriearen osagarrikoekin egin daiteke.

Oinarrizko seriearen zigiluen estetika aldatuz joan da urteetan zehar, diseinu monokromatikoetatik kolorez betetako diseinuetara, baita efektu berritzaileekin ere, hala nola errealitate areagotua edo zuzeneko kolorez eta tintaz inprimatutakoak. Urteetan zehar hauteman daitekeen beste aldaketa garrantzitsu bat bustoaren irudia da: profilarena, aurpegiaren ¾ edo gorputz osokoa izan daiteke.

Aurtengo zigiluak Felipe VI.a erregearen irudia jasotzen du, zibilez jantzita, eta, lehen aldiz, erregearen beste irudi bat dago aipatutakoaren gainetik, oraingoan plano ertainarekin eta Lurreko Armadako kapitain nagusiaren etiketa nagusiko uniformez jantzita.