Data de emisión: 14 marzo 2018
EFEMÉRIDES. 25è Aniversari de la Constitució
O día 14 de marzo de 1993, o pobo andorrano ratificou a través dun referendo a Constitució do Principat d'Andorra, lei fundamental que permitiu ao Principado constituírse como un Estado de dereito.
Previamente, ese mesmo ano, o Consell General aprobou por unanimidade o novo texto legal o día 2 de febreiro que, tras a súa aprobación no referendo, entrou en vigor o 28 de abril cando foi publicado no Boletín Oficial do Principado de Andorra.
A Constitución andorrana foi sancionada, ratificada e promulgada polo síndic general, cargo que ostentaba naquel momento Jordi Farràs Forné, e os dous copríncipes de Andorra, o presidente da República Francesa, naquel momento François Mitterrand, e o bispo de Urgel, que daquela era Joan Martí Alanís. A partir da nova constitución, os dous copríncipes ostentarán de xeito conxunto e indiviso a xefatura do Estado.
Cunha estrutura similar ao doutras constitucións europeas, o texto componse dun preámbulo que introduce os principios xerais que inspiran a constitución, ao que seguen 107 artigos distribuídos en 9 títulos, dúas disposicións adicionais, tres disposicións transitorias, unha disposición derrogatoria e unha disposición final.
Coa aprobación e ratificación da carta magna andorrana, recoñecíase ao Principado como un Estado independente, de dereito, democrático e social, referendando unha realidade que se estivera a configurar ao longo da súa historia, como é a soberanía do pobo andorrano sobre o territorio de Andorra e a súa independencia, xa que se considera que, dende o momento en que se asina en 1278 o primeiro pareatge, ou acordo de condominio entre o conde de Foix e o bispo de Urgell, Andorra configúrase de facto como unha entidade política independente protexida polos copríncipes.
A Constitució abriu as portas da modernidade ao Principado, ao recoller no seu texto uns principios e valores fundamentais que equiparaban Andorra cos países máis avanzados de Europa.
Ver tamén “Sobre de Primeiro Día” - “Cuños”
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.