Fundació Privada Tutelar del Principat d Andorra

Valores Cívicos. Fundació Privada Tutelar

Coa misión de protexer as persoas incapacitadas ou en proceso de incapacitación, así como defender e preservar os seus bens e dereitos, nace a Fundació Privada Tutelar, unha organización sen ánimo de lucro situada no

Principado de Andorra, que celebra o seu décimo aniversario.

A súa actividade, que presta dentro do ámbito do interese xeral, ampara aquelas persoas que se encontran en situación de incapacidade ou en proceso de incapacitación e que, por carecer de familia, necesitan ser tuteladas. Persoas maiores en situación de desamparo, persoas con trastornos mentais ou con diversidade funcional e menores en situacións de risco son o obxectivo de actuación da Fundación, dos que asume a súa tutela xudicial e a defensa no exercicio dos seus dereitos.

O principal labor da Fundación consiste no seguimento destas persoas protexidas legalmente, co fin de satisfacer as súas necesidades e carencias para conseguir a mellora da súa situación persoal e unha óptima integración social.

A Fundación axuda directamente estas persoas e as súas familias, ademais de promover accións de sensibilización da sociedade andorrana.

Este ano, a Fundación celebra os seus primeiros dez anos de actividade ininterrompida. Para celebrar o aniversario, organizouse un coloquio titulado Contra o estigma e tamén unha recollida de fondos a través da venda de obras de arte que cederon 20 artistas do país de forma totalmente altruísta.

O selo é unha reinterpretación do logo creado para celebrar os 10 anos de vida desta Fundación, cuxo padroado está presidido polo Síndic General d'Andorra.