Data de emisión: 09 outubro 2020
ARTE. ART CONTEMPORANI. Pep Aguareles
Un fatídico 20 de xaneiro de 2019 detivo sorpresivamente o corazón do fotógrafo andorrano Pep Aguareles, interrompendo a carreira artística dunha personalidade cuxa sutil e aguda sensibilidade se expresaba a través das artes audiovisuais, fundamentalmente a fotografía, con incursións, tamén, na videoarte.
O seu traballo meticuloso e extremadamente perfeccionista buscaba deterse ata no máis mínimo detalle no control da exposición e da composición da toma, xogando coa luz, os reflexos e as sombras, para revelar unha fotografía en ocasións abstracta, de corte pictoralista, que lle permitía expresar toda a súa sensibilidade en imaxes dunha profunda carga poética.
A súa obra foi recompensada con diversos galardóns, como o primeiro premio á Nit de l'Art de 1996 ou o premio á mellor colección Off no Festival Internacional de Fotoxornalismo de Perpiñán Visa Pour l'Image en 2002.
Ao longo da súa vida encabezou distintos proxectos artísticos, a gran maioría relacionados coa fotografía, pero tamén coa videoarte, como o Paradise Consumer Group, que buscaba impulsar as relacións culturais dos pequenos Estados europeos. Un dos seus proxectos máis destacados foi Retrats, músics, Andorra, realizado en colaboración cos seus alumnos Lluís Casahuga, José Otero e Robert Verdaguer, materializado en 2017, no que combinaba a música e a imaxe con entrevistas aos músicos.
Nacido en Andorra en 1965, iniciou a súa formación como fotógrafo en 1983 no Institut d'Estudis Fotogràfics da Generalitat de Catalunya, e continuou posteriormente coa fotografía publicitaria entre 1988 e 1989. O seu labor profesional comezou en dous estudios fotográficos de Barcelona, o de Jordi Moragues de fotografía publicitaria e posteriormente o estudio de moda de Jordi Blancafort.
De regreso a Andorra, exerceu de fotógrafo oficial do Govern, ata que en 1992 se integrou no equipo de profesores de L'Escola d'Art del Comú d'Andorra la Vella, compatibilizando, dende o ano 2016, a docencia coa dirección da escola.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.