Data de emisión: 19 marzo 2020
ANDORRA. CULTURA POPULAR. Collar lloper
Traducido de xeito literal como colar lobeiro ou para lobos ou carranca, é un colar de ferro recuberto de pugas que se cingue ao pescozo dos cans pastores para armalos fronte aos ataques de lobos e outros depredadores.
En ocasións, a súa fabricación facíase con coiro ao que se lle incrustaban as puntas de ferro que protexían o pescozo do can.
É probable que o seu uso se remonte ao tempo no que o canis lupus foi domesticado polo home para que lle axudase tanto nas súas tarefas gandeiras, conducindo e defendendo rabaños, como na caza, asistindo ao cazador no rastrexo, persecución e captura das presas. Nestas tarefas era indispensable dispoñer dun dispositivo que defendese o animal dos ataques das feras que podían provocarlle a morte.
O ser humano tamén apreciou a capacidade do can para defender persoas e fogares e especialmente, pola compañía que xenerosamente lle ofreceu.
O motivo do selo mostra unha ilustración dunha carranca forxada integramente de ferro xunto á silueta dun lobo ouveando.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.