Data de emisión: 29 maio 2020
EFEMÉRIDES. Anniversari Sufragi Femení
“Atendendo ás necesidades e lexítimas aspiracións do pobo andorrano, consideramos que chegou o momento de conceder ás mulleres andorranas os dereitos políticos; tendo en conta a función cada día máis importante que a muller exerce na vida social e económica dos Vales, parece que non se adecúa coa súa exclusión dos asuntos públicos”. Con este recoñecemento á importancia das mulleres no Principado, comezaba o decreto do 14 de abril de 1970 polo que se concedía á muller andorrana o dereito ao voto. Un decreto que supoñía a culminación dun longo camiño para o recoñecemento das mulleres como iguais aos seus conxéneres masculinos, como actores activos da política do país, equiparando os seus dereitos aos dos homes, quen xa gozaban do sufraxio universal dende a Revolución de 1933.
O camiño comezou algúns anos antes e ao igual que sucedeu noutros países, Andorra non quedou á marxe dos movementos sufraxistas onde mulleres organizadas facían presión ás autoridades para que se recoñecesen os seus dereitos democráticos. En Andorra, en maio de 1967, un grupo de sufraxistas fixeron un chamamento ao resto de mulleres para que apoiasen a sinatura dunha súplica, que querían entregar ao Consell General, para que o parlamento lles concedese tanto o dereito a votar como a poder se elixidas en sufraxio pasivo. A súplica tivo unha adhesión de trescentas setenta e oito mulleres maiores de 25 anos, quen por idade tiñan dereito a asinar.
Dous anos despois da presentación da súplica, o Consell General respondeu co decreto que se expresaba nos seguintes termos. En primeiro lugar recoñecía o dereito das mulleres a poder votar en igualdade de condicións que os homes, dereito que puideron exercer nas seguintes eleccións, pero tamén consideraban, en segundo lugar, o veto a que as mulleres puidesen ser elixidas como representantes políticas do pobo andorrano, consideración que non cambiaría ata que o parlamento, en sesión ordinaria do 24 de maio de 1973, acordou conceder os dereitos políticos pasivos ás mulleres andorranas con plena cidadanía.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.