Data de emisión: 05 novembro 2020
NADAL. NADAL. Baldaquí de Sant Bartomeu de Sant Julià de Lòria
O baldaquino da capela de Sant Bartomeu, pertencente á parroquia de Sant Julià de Lòria, é unha das obras de Arte Sacra máis importantes do Principado de Andorra. É un dosel, formado por unha táboa de madeira policromada, na que se representa a glorificación de Xesús, no centro do cadro, rodeado por catro anxos, sobre os que está escrita a epígrafe: Ante o nome de Xesús, que todos se axeonllen. Ceo, terra e inferno. A táboa presenta elementos góticos e renacentistas, que permiten datar a obra no século XV, sendo deste xeito, unha das escasas mostras de pintura renacentista que se conservan en Andorra.
O dosel, suxeito á tesoira da cuberta da capela a catro metros de alzada, protexe o retablo que preside o altar, ademais de dignificar e sacralizar o espazo formado polo presbiterio.
O transcurso dos séculos e as filtracións de auga producidas na cuberta,
deterioraron a pintura, que foi restaurada de forma exquisita por Mireia García no ano 2005, quen atribúe o pintor Çanou, a autoría da obra.
O retablo que preside o altar da capela, está constituído pola predela, dous pisos e o adro, con escenas de La Piedad, o Calvario e o martirio de San Bartolomé, representado nun talle policromado presidindo o conxunto dende a fornela central do retablo.
Segundo a documentación orixinal que se conserva no arquivo de Solsona, o conxunto foi encargado ao escultor de Cervera, Miquel Rubial, no ano 1606 por Bartomeu Moles, cabeza de familia da Casa Molines, propietaria da capela e durante séculos, unha das casas nativas de maior riqueza e prestixio da parroquia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.