Principat d'Andorra. Serie Básica. Bandeira e Escudo

Serie Básica 2021. Bandeira e escudo 

A bandeira, o himno e o escudo forman os tres símbolos oficiais do Estado do Principado de Andorra, tal como recolle a Constitución e a normativa que regula o seu uso e definición na Lei  de utilización dos símbolos do Estado de 1996.

A Serie Básica do presente ano recolle estes tres símbolos, utilizando a bandeira como motivo de fondo do selo sobre o que se superpón o escudo e, á súa vez a denominación oficial do Estado.

As tres franxas verticais da bandeira: azul, amarelo e vermello, exhiben no seu centro, o escudo do Principado, que aglutina nos seus cuarteis os emblemas das catro casas tradicionais que rexentaron o Principado: o bispado de Urgel, o condado de Foix, o Vizcondado de Bearne e Cataluña. A divisa Virtus Unita Fortior subliña o conxunto. 

O conxunto cromático da bandeira do Principado de Andorra toma as cores da bandeira francesa e catalá, tal como se comezou a realizar en 1866, cando Napoleón III decidiu incorporar a cor azul para remarcar a soberanía francesa. 

Entre 1931 e 1939 utilizábase indistintamente a bandeira coas franxas orientadas tanto en vertical como en horizontal, esta última sen o escudo, recordando no primeiro caso á bandeira da República Francesa e no segundo, a bandeira da República Española.

A partir de 1939 estendeuse o uso oficial da bandeira con franxas verticais e co escudo máis elaborado procurando a diferenciación fronte a outras bandeiras que tiñan unha combinación tricolor semellante. En 1971 estableceuse como bandeira oficial.

Finalmente, coa aprobación da Constitución en 1993 e o ingreso do país nas Nacións Unidas en 1994, fixouse o actual formato que dispón a bandeira.