Data de emisión: 16 maio 2005
Tres novos selos enriquecen a xa extensa emisión dedicada a xornais centenarios. É a vez agora dos periódicos: Diario Palentino, Última Hora das Illes Balears e Diario de Ibiza.
Conta xa o Diario Palentino con 124 anos de andadura periodística, sempre entregado ao servizo e defensa dos intereses dos palentinos. Fundado o 17 de maio de 1881, mediante a iniciativa de José Alonso Rodríguez, este diario, de tendencia liberal, pasou, en 1941, a fusionarse con outro periódico conservador existente en Palencia denominado El Día. A partir dos anos 80, a propiedade do rotativo foi adquirida pola familia Alonso que o vendeu en 1998 ao Grupo Promecal, quen se ocupou da súa total posta ao día, cambiando a súa sede e dotándoo de novos medios e tecnoloxía. O selo foi deseñado por Ion Echebeste e reproduce, xunto á imaxe do Cristo de Otero, obra de Victorio Macho, o escudo da cidade, ademais dun galo que simboliza os vendedores ou voceiros e que forma parte da identidade corporativa do periódico.
En 1893, José Tous Ferrer fundou o xornal vespertino Última Hora en Palma de Mallorca, periódico que logo pasou á mañá e do que, en 1974, o editor do Majorca Daily Bulletin lles adquiriu a maioría das accións aos seus propietarios, a familia Tous. A través do tempo, conformaron o Grupo Serra varios medios de comunicación: Diari de Balears (que se imprime en catalán), Última Hora Radio (asociada á COPE), Brisas (magacin dominical de Última Hora), Antena 3 TV Mallorca (informativo local) e, dende xaneiro de 2000, o Última Hora Menorca. Outra iniciativa editorial do diario foi a publicación da Gran Enciclopedia de Mallorca que reúne, en 18 tomos, todo o saber e a cultura da illa. Este xornal vén apostando por todos aqueles estamentos e persoas que fan de Balears unha comunidade máis próspera, moderna e plural. O selo presenta un exemplar do diario dobrado sobre o mar e as illas.
O Diario de Ibiza, o máis antigo dos diarios da mañá das Illes Balears, fundouse en 1893; de aí que teña 112 anos de existencia. A súa longa traxectoria e defensa dos intereses das illas Pitiusas fixérono merecedor das máis altas distincións: medallas de ouro do Consell Insular e do Concello de Ibiza. Pertence, dende 1991, ao Grupo Prensa Ibérica, o cal realizou unha importante renovación da súa estrutura empresarial e unha modernización dos seus sistemas de produción. O Diario de Ibiza ofrécelle ao lector unha variada selección de suplementos deportivos, sociais e culturais, ademais de guías de turismo de Ibiza e Formentera. O selo mostra un deseño innovador, con motivos mariños e arquitectónicos alusivos a Eivissa e Formentera.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.